The Newah (नेपाल भासँ थःगु बिचाः प्वन्केगु हलिमे छगुहे जक नेवाः ब्लग् )

ने.सं.११२८ पोहेलागा ९ (नवःमि) बिहिबाः

झी “दनेवाः” ब्लःग् दयके धका बिचायाना च्वनाबले, झी मदँ किषण् दाईयागु सायरि छपु झसक्क लुमँस्य वःगु। “सायरि छपु कने न्हाँ जिँ। सायरि जक कनाँ छुयायगु थन बाँलापिँ नानिपिँ हे मदु।” धाःथेँ ब्लग जक दयकाँ छुयायगु, ब्लग् स्वया रेस्पोन्स् याइपिँ नेवाःत हे मदु धका बिचावयाच्वन्गु।अले न्ह्याबलेँ अफिसँ लिहाँवय् साथँहे पी.सी. चायकेगु जिगु बानियात हीमी चाइम्ह, अनँ डिनःया लिपानँ, डेस्के लिहाँवया, जिँ छुयाना च्वन जुइधका न्ह्यायपँ टीँटीँ स्वाका च्वनीम्ह जिमि सिरिमति मयजुँ, जि दोमन् जुयाच्वन्गु खन्काःला मस्यु। “याना मस्वयकँ, छु जुइ गथे जुइ सी दइला” धाःबले जिला थाराहे न्हूगु। अले ज्यासना पासापिँसँनं उलिहे धैर्य ब्यूगु ।

झी “दनेवाः” ब्लग् दयका, थउँ थ्याक्क १५ (झिंन्या) न्हुँ केन। अले गोःम्हेसिगु रेस्पोन्स् दुले धका छकः लाःमलाः अयक्क न्यिना स्वयागुला, ब्लःगय् हे ८ (च्याम्ह) पासापिनिगु कमेन्ट त दु। वयकःपिँ सुसु धका ब्लःग् स्वयादीपिँ छिकपिँ सकसिनँ खनहे जुइ। अले, ईमेलँ भिन्तुना व रेस्पोन्स् छोया हयादीपिँ पासापिनँ झिन्याम्हँ मयाक्क दु खनी।

झी पासापिँ, “दनेवाः” पाखेँ छिकपिन्तः दुनुगलँ निसेँ, लुमुगु सुभाय् देछाया च्वना। सक्कसिया जय् जुइमा न्हाँ।

१) बाला बाला चिन्गु मिखा

२)

For your reading pleasure, we have enlisted following articles, books and related information. You can help add more in the list, contact us at thenewah@gmail.com - The Newah

1. Buddhism in Nepal and Nepal Mandala, Dr . Naresh Man Vajracharya, Vajracharya Preservation Guthi, Kathmandu. The article

2. History of Nepalese Buddhism: From Mythological Tradition to the Licchavi Period - Dr. Shanker Thapa. The article

3. River — Names of the Nepal Valley: A Study in Cultural Annexation - Dr. Kamal P. Malla.

II. Books
1. Art and culture of Nepal Selected Papers, Mary Shepherd Slusser. Detail

2. Nepal Mandala: A Cultural Study of the Kathmandu Valley (In 2 Volumes) - Mary Shepherd Slusser

नेपाल् सम्वत् ११२८ पोहेलागा ७ (सप्तमी)

संविधान् सभा चुनावय् दनेगु खःसा, मर्श्यातेःगु माग् पुरा यानाबीम्ह प्रधान मन्त्रीँ, नेवाःतेगु माग् यात गबले पुरा याइगुले?
न्हेःगु दलया सरकारयात विरोधयासे, थःपिनिगु मागयात पुरा मयातल्ले संविधान सभाया चुनाव याके बीमखु धका धम्की नका च्वँपिँ मधेशि पुचःया मागयात, गिरिजा प्रसाद् कोइराला प्रधान मन्त्रिँ “संविधान सभाया चुनावय् ब्वति कायगु खःसा, मर्श्यातेःगु मागयात पुरायाना बीगु” कबुल यागु न्यने दु। मर्श्यातेःगु माग् ला नेपाःया दक्षिण भूभाग तराइ प्रदेशयात स्वायत्त मर्श्या प्रदेश या घोषणा या माग् खः।

(किपाः सुभाय् - नेपाल् न्यूज् डटकम् )

अले नेवाःतेसँ याना वयाच्वन्गु माग छुले? व हे नेपाल सम्वत यात राष्ट्रीय सम्वत यानाब्यु धका जक खःला? नेपाल मण्डल जक मखुसे, नेपाल मण्डलँ पिने च्वँपिँ नेवाःतेगु अधिकार इत्यादीया माग यायगुनँ, बुद्ध जन्मजूगु लुम्बिनीया संरक्षणया माग् धैगुनँ नेवाःतेसँ मयाःसा मेःपिँ सुनाँ याइ? नेवाःतय् बिचे आः कित माओवादिया नेवाः मोर्चा अथे मखुसा नेपाः राष्ट्रीय पार्टि हे जक खः छूनँ अधिकारया माग यायफुपिँ। मंका खलः, नेवाः देः दबूला पद्मरत्न दाइ व मल्ल दाइया सम्पत्ति जुइधुन्कूथेँ च्वँबलेला मेपिँ नेवाःतेसँ छुयायफइ स्वयगु ल्यँहेः दनि।
- झी “दनेवाः”

छिगु प्रतिकृया च्वयतः थनँ क्वसँच्वन्गु comment क्लिक् याना दिसँ।

ने.सं. ११२८ पोहेलागा ६ (षष्ठि)

वंगु शनिवाःकुन्हु, हनुमान ढ्वाकाय् सगोलँ ई याःपिँ नेवाः नानिपिँ। ” अले अंकल् पिसँ झीगु देः गबले सगोलँ दयकेगुले? “

(किपाः सुभाय् - नेपालजपानडटकम् २७ जनु ०८)

ने.सं. ११२८ पोहेलागा ५ (पञ्चमि)

खःजा झी “दनेवाः” ब्लग् झीगु प्रचलित् आखलँ च्वय् मागु खः। अयनं मदँकिषन् दाइया भासँ धायगुसा “भगवान् सरण, मदन् कृष्णया दुख हरण…..बुद्ध जन्म जूगु गन धका मस्यूपिँ… ” नेपाःमितथेँ, नेवाःतेगु प्रचलित आखः छु धका मस्यूपि नेवाःतेत, करुणा तया, प्रचलित नेवाः आखःयात युनिकोःडे इन्कोःड् यायगु प्रयत्न यायफुपिँ नेवाः टेक्निशियन् त आतकँ जन्मे मजूनिगुलिहे झीसँ प्रचलित आखः छेलेमफुनि। निदँ स्वदँ न्ह्यवःनिसेँ जपान् या छगु नेवाः संस्थाँ नेवाः टेक्निशियन्तयतः नेपाल भासया प्रचलित फोन्ट् युनिकोःडे इन्कोःड् यायत याःगु इनापया लिसःकथँ, छम्हेसियाँ यू एस् डलर १००० रँ देकाबी । मेम्हसिनँ २ लाख तकाँ देकाबी, मेम्ह छम्हेसिनँ ३ लाखँ देकाबी धका लिसः वल धागु न्यनेदु। ३ लाख तकाँ देकाबी धका लिसः वःगु मेःगु गनँ मखु, नेपाल लिपि गुठिँ हँ। गूगु संस्थाँ नेपाल लिपि स्येनेगु याना च्वन धाइ, वहे संस्थाँ प्रचलित नेपाल लिपियात युनिकोःड फोन्ट दयेका सकल नेवाःतेतः इनाबीमागु थासय् धेबा पुलेगुसा दयेकाबीफु धका लिसः बिल हँ। संसारे गुलिसिनँ थःगु भास, साहित्य, संस्कृति वा धर्मयात उत्थान् यायत जक मखु कतपिन्तःनँ सुविधा जुइक टेक्नोलोजियात प्रयोग याना तःधंगु गुहालि याना च्वन्गु दु । इमिगुहे धर्मँ, झीगु थ्व ब्लग् हे सितिकँ छेला च्वनेफूगु खः। नेवाः टेक्निशियन् पासापिनिपाखेँ झीगु थःगु माँभाययात उत्थान याय मागु खः। अयनँ झी भाग्यमानि मजूनिकि, उलि ग्यँम्ह नेवाः टेक्निशियन् जन्म जुया झीगु भासयात उद्धार याइम्ह। उकेँ आःयात, देवनागर आखःनिँ छेलादिसँ। युनिकोःड् देवनागर थनँ डउनलोःड याना दिसँ। http://www.thdl.org/tools/fonts/nepali.html
अले आ झीसँ धेवा पुलासाँ प्रचलित आखःयात युनिकोःडे इन्कोःड् यायतः सना च्वना।
छिसँनँ गुहालि यानादी न्ह्यासा, स्वापु तयेगु थाय् thenewah@gmail.com
झी “दनेवाः”
छिगु प्रतिकृया यायतः क्वसँ च्वन्गु comment क्लिक् यानादिसँ।

ने.सं. ११२८ पोहेलागा १ (पारु)

म्हिगःयागु झी “दनेवाः” बुखँ स्वयादीपिँ सकसिनँ, नेरापाया दुजःत सुसु धका सिल हे जुइ। नेरापाया दाँभरि सुरेश प्रधान भाजुँ छोयाहैदीगु न्ह्यसःधलपौसँ, न्यागु न्ह्यसत न्येनातःगु दु। छिसँ लिसः बी मधूँनिसा, थन क्वसँ स्वयादिसँ न्ह्यसःत। नेपाल भासँ च्वयातःगु जूसा च्वछाय् बहजूगु न्ह्यसःधल, अंग्रेजि भासँ च्वयातःगुलिँ नेपाल भासँ भावानुवाद दुथ्याका। मू अर्थ मस्येनीगु कथँ अंग्रेजिँ वाक्यनँ गथेदु अथेहे दुथ्याका।
१) (छिगु बिचाकथँ संविधान सभाया चुनावय दनीम्ह, नेरापाया प्रतिनिधि जुइतः) सु गथेयाम्ह उम्मेदवार योग्य जुइमाथेँ च्वँ?
[Who could be the candidates?]
२) सु गथेयाम्ह, (नेरा) पार्टि सदस्यता प्राप्त योग्य जुइमाथेँ च्वँ?
[Who could be the members of the party?]
३) डुवल् (मेगु पार्टि सदस्ययात नेरापाय् नँ ) सदस्यता बी ज्यूला?
[Do you accept duel membership?]
४) (नेरा) पार्टियात छिसँ गुकथँ गुहालियाना दीफु?
[What would be your contribution to the party?]
५) (नेरा) पार्टिया पाखेँ छु अपेक्षा यानादी?
[What is your expectation from the party?]
६) नेपाःमित गथेयाना मोबिलाइज् याय माली थेँ च्वँ?
[How can party mobilize to all Nepal?]

(किपाः सुभाय् - नेरापाया विजय् सैँजु)
- झी “दनेवाः”
थ्व न्ह्यसःया लिसः वा, प्रतिकृया च्वयतः थन क्वसँच्वन्गु Comment क्लिक् यानादिसँ।

नेवाःते अधिकार, सुरक्षा व विकासया लागी नेवाःतहे छपँजुया नेपाः राष्ट्रीय पार्टि (नेरापा) देःकल हँ। देसे दुनेनँ पिनेनँ च्वपिँ सकल नेवाःत नेरापाया दुजःत सुसुथेँ धका सीके आय् बुयाच्वन्गु। झी “दनेवाः” परिवारँ यानागु इनाप यात लिसः बियादिसे, नेरापा या मूछ्यान्जे विजय सँइजु भाजुँ छोया हैदीगु नेरापाया दुजपिनिगु नाँधल थथे खः।
नायः (President) डा. केशव् मान् शाक्य;
न्हापाँम्ह न्वकू (1st Vice President) सुवर्ण के. चित्रकार् मयजु;
ल्यू न्वकू (2nd Vice President) डा. रमेश् श्रेष्ठ;
लिया ल्यू न्वकू (3rd Vice President) नरेश् वीर् शाक्य;
मूछ्यान्जे (General Secretatry) विजय् सँइजु;
छ्यान्जे (Secretary) केदार् चित्रकार्;
दाँभरि (Treasurer) सुरेश् प्रधान्;
दुजःत (Executive Members)
बुद्ध सायमि, भरत् सायमि, भुशा श्रेष्ठ, नारद् वज्राचार्य, ज्ञान् राम् श्रेष्ठ, किरण् शाक्य, शिव राम् अमात्य, मनोज् खड्गी, व सरद् कसाः।

(किपाः सुभाय् - नेरापाया विजय् सैँजु))
अले आ सकसियाँ सीके मास्ते वइगु खँ छुले धासा, संविधान सभाया चुनावय् सुसु दनीगु, अले गनँ, छु ईलाकाँ दनीगु धैगु खँ। हानँ, जिमितः अमेरिकाँ थ्यँन्कःवःगु ईमेःलत मध्ये नेरापायात गथेयानाँ गुहालि यासा ज्यू धका न्यनाहःपिँनँ दु। नेरापा या नायः एण्ड दुजः भाजु मयजुपिँसँ, नेपाल मण्डलया आदिवासी नेवाःतेगु इच्छा धात्थेँ पुरेयानाबीगु खःला, अथे मखुसा नेपाःया मेन्टालिटि कथँ थःगु स्वार्थजक पूवंकीगु खःला, स्वयगु बाकि हे दनि।
- झी “दनेवाः”
छिगु प्रतिकृया च्वयतः थन क्वसँच्वन्गु Comment क्लिक् यानादिसँ।

नेपाल मण्डलयात शाहतेसँ आक्रमण याय् धुन्का २ शताब्दिँ मयाक्क डोमिनेट् याना, नेपाल मण्डल वासि नेवाःतयसँ हे थः सु थःगु माँ भाय् छु धका मसीया वनेगु कथँ शाहतयसँ क्वतिलाःतलँहे न्ह्यलँ मचापिँ नेवाःत जनआन्दोलनँयाना बल्ल न्ह्यलँ चायका हःसाँ, नकतिनि न्ह्यलँचाम्ह जिमि तता थेँहे तिनि।भात मदया १०दँ दयधुंकुसा, भौमचातयसँ मानेयाका च्वनेदुगुलिँ, बुरि जुया वना याकःचा जुलकि छुयायगु धका छुँहे धन्दा मकाइम्ह जिमि तता लुमँस्य वैगु, नेपाले वैच्वगु परिवर्तन मचापिँ नेवाःतयतः स्वयबले।
(किपाःसुभाय् नेपालन्यूजडटकम् ११ जनु ०८)
उखुनु तिनि, पाकिस्तानया पीपल्स् पार्टिया नकीँ, बेनाजीर भुत्तोया निधन लिपा १९दँ तिनिदुम्ह थःकाययात नायः याःगु न्येनेसाथँहे, झीथाय् कोइराला प्रधान मन्त्रि भाजुनँ, कम् मजू। थः म्ह्याय् सुजाता कोइरालायात बिना विभागीय मन्त्री यात। न्हेःगुदलया सरकार धाःसाँ ज्यायाइबलेला, भिन्चा डा शेखर कोइराला, कार्य वाहक नायः सुशिल कोइराला इत्यादी पिनिगु काँग्रेसँ फुकसिगु म्हुतुप्वाः तीकातःगु छिँ चाःला?

छिगु बिचाःयात, प्रस्तावयातःनँ झी “दनेवाः” ब्लगय् थाय् दु। कया दिसँ छिगु पाः। झीतः स्वापूतयगु थाय् thenewah@gmail.com