The Newah (नेपाल भासँ थःगु बिचाः प्वन्केगु हलिमे छगुहे जक नेवाः ब्लग् )

बुद्ध सायमि भाजु नेरापाया दकले न्हापाँम्ह संसदया रूपे मनोनित

संविधान सभाय् नेपा: राष्ट्रीय पार्टि या दकले न्हापाँम्ह संसदया रूपे, पार्टिया छम्ह थकालिम्ह दुजः बुद्ध सायमि (बुद्धरत्न मानन्धर) भाजु यात मनोनयन या:गु दु। झी The Newah यातः नेरापाया उपाध्यक्ष डा रमेश कुमार श्रेष्ठ भाजुँ छोया हैदीगु ईमेलकथँ, नेरापाया केन्द्रीय बैठकया सर्वसम्मतिँ बुद्ध सायमि भाजुया नाँ पार्टिया मनोनित प्रतिनिधिया रूपे सिफारिस याना छोयेगु निर्णय यागु दु। ६३उमेर दुम्ह थकालिम्ह सायमि भाजुँ नेपाःदेः दुनेया मुक्कँ जिल्लाय् च्वपिँ सकल नेवाःतेगु मंतुना पुरेयाफइ धैगु अपेक्षा दु धैगु खँ ईमेले दुथ्याकातःगु दु।

नापँ नेरापाया दुजः सुरेश प्रधान भाजुँ छोयाहैदीगु ईमेलकथँ, नेपा: राष्ट्रीय पार्टिपाखें संविधान सभाय् प्रतिनिधित्व यायेफुपिं धका ७२ म्ह उम्मेदवार पिनिगु नाँ निर्वाचन आयोगय् छ्वःगु खः, वयेकःपिं सकलें सक्षम व सवलपिं हे खः थुकी छुं हे कथंया द्विविधा मदु धकाः धयादीसे, नेपा: राष्ट्रीय पार्टियात वःगु मत (भोट) या आधारं छम्हेसितजक प्रतिनिधित्व याके फइगु परिस्थितिया हुनिं नेपा: राष्ट्रीय प्रतिनिधिया रूपे, नेपालभास ख्यःया नांजा:म्ह कवि नापं योद्धा सायमि भाजुयात पार्टिया केन्द्रीय समितिया मूंज्याय् बृह्त्तर सहलह ब्याकालि थीथी कथंया मापदण्डया आधारकया मनोनयन् यागु खँ न्ह्यथना तःगु दु।

बुद्ध सायमि भाजु ने.सं. १०८५ (वि.सं.२०२२) सालँनिसे नेपाल भास आन्दोलनय् सक्रीय कार्यकर्ता खःसा, अनँलिपाजूगु भासिक, लोकतान्त्रिक आन्दोलनय् सक्रीयरूपँ ब्वतिकया वयाच्वन्गु दु। साहित्यया लागी राष्ट्रीय प्रतिभा पुरस्कारँ सम्मानित जुयादीम्हँ वयकलँ नेपाल भासया कविता सफू स्वंगू पिकयादीगु दु। सन्ध्या टाइम्सया बुखँकथँ, वयकलँ, सँविधान सभाय् वनाः जातीय स्वशासनय् आधारित संघीय लोकतान्त्रिक गणतन्त्रात्मक् संविधान च्वकेगु लागी थःगु सम्पूर्ण शक्तिँ कुतः यायेगु बचँ बियादीगु दु। नापँ, नेरापाया पाखेँ मनोनित जूम्ह संसदँ, थःत वइगु सम्पूर्ण तलब, सुविधा व भत्ता पार्टियातः लःल्हाना संसदया पारिश्रमिक किटान यायेगु निर्णय याःगु खँ नं बुखँय् दुथ्या। थथे, संविधान सभाय् मनोनित् जुयादीम्ह, झी बुद्ध सायमि भाजुयातः दकले न्हापाँ नेपाल मण्डल आदिवासी झी नेवाः जाति, संस्कृति व नेपाल भासया उत्थान व संरक्षण याइगु , अले नेपाःमि सकसितँ समान अधिकार दइगु न्हू नेपाः निर्माणया संरचना जुइगु संविधान च्वयकेतः ६००म्ह विभिन्न जन समूहया प्रतिनिधित लिसे माथाय् मिलेजुया, माथाय् संघर्ष यायफैगु शक्ति दयेमा धका, झी The Newah परिवारया पाखेँ दुनुगलँनिसेँ भिन्तुना देछाना च्वना।
- झी The Newah

छिगु कमेन्ट् छकः जक च्वयादीसा गाः।प्रकाशन् जुइतः छूँ भचा समय कायेफु।

नेवाः संसद – डा हर्ष रत्न शाक्य नेरापाया प्रतिनिधि जुइगु?

थनी निवाः न्ह्यवः (अप्रिल १०) कुन्हु जूगु संविधान सभाया निर्वाचनया लिच्वःय् समानुतातिक कथँ कुर्कूगु मत ल्याखायगु ज्या बल्ल म्हिगः क्वचाल। लिच्वःकथँ प्रत्यक्ष मतदाने त्यागु सीटया अलावा नेकपा माओवादिया १००म्ह (प्रत्यक्षे त्याःपिँ १२०म्हँ याना जम्मा २२०म्ह) , नेपाली कांग्रेस ७० म्ह (प्रत्यक्षे त्याःपिँ ३७म्हँयाना सालाखाला १०७म्ह), नेकपा एमालेनं ६५ निसेँ म्ह, (प्रत्यक्षे त्याःपिँ ३३ म्हँ याना सालाखाला ९८म्ह) , मधेसी जनाधिकार फोरमया २२म्ह (प्रत्यक्षे त्याःपिँ ३०म्हँ याना जम्मा ५२म्ह), मधेस लोकतान्त्रिक पार्टिँ ११म्ह (प्रत्यक्षे त्याःपिँ ९म्हँ याना जम्मा २०म्ह), संसदत बढेजुइगु सीःदये धुंकूगु थासे झी नेपाः राष्ट्रीय पार्टिँ बल्ल छगु जक सीट त्याका कायफत। थ्व खँ न्यनाँ, ख्वयेगु न्हिलेगु छिकपिनिगु जिम्माय्।

आ झीसँ बिचाःयायमागु छुधका धाःसा, सुयातः नेरापाया प्रतिनिधि यायेमाली धैगु खँ, गुगु खँ आतकँ स्पस्ट मजूनि। झी दनेवाःनँ न्ह्यथनागु थ्व विषययात प्रतिकृया यानादीपिँ पासापिसँ, नेवाःतेगु छगुहे जक पार्टिया छम्हहे जक प्रतिनिधिला भाराभुरुम्ह मज्यू धका, थःगु बिचा प्वन्का हये धुंकल (वयकःपिनिगु बिचाः स्वयतः, थ्वयाँ न्हापायागु पोष्टिङ स्वया दिसँ)। थ्वहे इलय् नेरापाया ७२म्ह उम्मेदवारते दथुई छम्ह दुजः, डा हर्ष रत्न शाक्यँ, समानुपातिक मतया आधारे थःम्हँ नेवाः समाज, भास व संस्कृति या उत्थान व संरक्षण यायगुलागी संविधान सभाय् झीगु सः थ्यंकेफु धका प्रतिज्ञा बियादीगु दु। थःगु ज्ञाण, सिप व अनुभव झी सकसिगु ध्यानाकर्षण यायतः झीतः छोयाहःगु ईमेःले, वयकःया संक्षिप्त परिचय (बयोडेःटा) नापँ दुथ्याका हैदिल। अंग्रेजीँ च्वयातःगु थ्व संक्षिप्त परिचययात हानँ संक्षिप्त याना ब्वने अपुइकः न्ह्यथना च्वना। (अले झी The Newahया माएन् पावर मगाःनिगुलिँ, थन छोयाहैदीगु खँ, फयाँफछि नेपाल भासँ च्वया हैदिल धाःसा तःधंगु गुहालि जुइ।)
सेवन् सीस् फर्मा समूहया अध्यक्षकथँ झीगु समाजय् म्हस्यूम्ह डा हर्ष रत्न शाक्य भाजु, नेपाःया समाज, बौद्ध धर्म, भास, संस्कृति व शिक्षाया ख्येले तःधंगु सेवायाना दिवंगत जुयादी धुंकूम्ह झी आशा राम शाक्य प्राध्यापकजु व माँ गुणलक्ष्मिया काय् खः। कृषि विज्ञान विश्व विद्यालयँ, पशु उपचार विज्ञान शास्त्र ब्वनादिसे, तरहराया कृषि अन्वेषण केन्द्रँ निसेँकया, एसियन् डिवलप्मेन्ट बैन्कया एक्वा प्रोजेक्ट् इत्यादी तकँ ज्यायानादिसे, नेपाल संवत थ्वहे ११२८ (सन् २००८) सालँनिसेँ, सेवन् सीस् फर्मा प्रा लि, एम् डी वेट्लिन्क्, मिडिया मिडिया, एन् एन् हाएचरि, फ्यूचः मेडिक्विप् प्रा लि दुथ्याःगु सेवन् सीस् व्यापार समूहया अध्यक्ष जुया दिल।

नेपाल संवत ११२७ (सन् २००७) सालँ निसेँ नेपाल वेटेरिनरि औषधि आयात संघया अध्यक्ष जुयादीम्ह झी डा हर्ष रत्न शाक्य भाजु, नेपाल वेटेरिनरि संघ, युवक बौद्ध परिषद, रोटरि क्लब् थेँ जाःगु सामाजिक सेवा ख्यलेनँ योगदान याना च्वंगु दु। राष्ट्रीय रत्न पुरस्कार, भारत एक्सिलेन्स् , अमेरिकाया पाखेँ “Great Minds of 21st Century” इत्यादिँ पुरस्कृत जुया दीम्ह डा हर्ष रत्न शाक्य भाजुया परिचय, एसिया पाशिफिक् क्षेत्रया WHO’s WHO डिरेक्टरिहे दुथ्याना च्वंगु दु।

थ्व खः झी डा हर्ष रत्न शाक्य भाजुया परिचय। आ बिचाःयानादिसँ वयकःयात झीगु नेपाः राष्ट्रीय पार्टिया प्रतिनिधि याना संविधान सभाय् छोय् बहम्हथेँ च्वँलाकि मच्वँ? छिगु बिचाः प्वन्काहै दिसँ।छिगु कमेन्ट् छकः जक च्वयादीसा गाः।प्रकाशन् जुइतः छूँ भचा समय कायेफु।

संविधान सभाय् झी प्रतिनिधि सु जुइगु?

नेरापाया छगु जुनी छकःजक जूगु संविधान सभाया निर्वाचने, नेपाः राष्ट्रीय पार्टिया प्रत्यक्ष उम्मेदवारत ६(खु)म्हे छम्हेसिनँ हे त्याके मफुसाँनं, नेरापा यात झीगु देसभरी च्वपिँ नेवाःत, नेरापाया भीँतुनिपिँ नेपाःमितेसँ कुर्कूगु समानुपातिक् मत ३७२९८ (थउँ अप्रिल २२) अनुसार नेरापाया प्रतिनिधि छम्ह संविधान सभाय् झीगु प्रतिनिधि याःवनेफैगु जूगु दु। आ व भाग्यमानि प्रतिनिधि सु जुई? क्वसँ च्वंगु नाँ धल स्वयादिसँ, छिसँनं म्हस्यूम्हँ सुँदुला। नेवाःतेगु छगुहेजक राजनैतिक पार्टि नेरापाया पाखेँ छम्हहे जक जूसाँ संविधान सभाय् दुथ्याइ धैगुहे झी सकसिगु भाग्यधका भापीनु।

१) बुद्धरत्न मानन्धर भाजु, २) किरण शाक्य भाजु, ३) नारद बज्राचार्य भाजु, ४) केदारमान चित्रकार भाजु, ५) ज्ञानराम श्रेष्ठ भाजु, ६) पुष्पानन्द शाक्य भाजु, ७) शंकर प्रसाद दर्शन्धारी भाजु, ८) मनोज कुमार खडगी भाजु, ९) सानुभाई डंगोल भाजु, १०) विक्रम तुलाधर भाजु, ११) सत्यनारायण मानन्धर भाजु, १२) केदार शाही खडगी भाजु, १३) मदन प्रसाद तण्डुकार भाजु, १४) अनिल कुमार खडगी भाजु, १५) सुन्दरमान श्रेष्ठ भाजु, १६) सुजेन्द्र प्रसाद जोन्छे भाजु, १७) उदेन मानन्धर भाजु, १८) रवि दमाई परियार भाजु, १९) सुरज कुमार जोन्छे भाजु, २०) अनिल सुवाल भाजु, २१) शिवराम अमात्य भाजु, २२) मंगला कारन्जित मयजु, २३) किर्ति कंशाकार मयजु, २४) मैया तुलाधर मयजु, २५) प्रमिला देवी बज्राचार्य मयजु,

२६) सुदर्शना दर्शनधारी मयजु, २७) हसिना दिस्ति मयजु, २८) सुष्मा जोन्छे मयजु, २९) प्रज्ञा देवी शाक्य मयजु, ३०) निलतारा महर्जन मयजु, ३१) रत्न मैया चित्रकार मयजु, ३२) माधुरी चित्रकार मयजु, ३३) कमला देवी श्रेष्ठ मयजु, ३४) सुधा महर्जन कंशाकार मयजु, ३५) कल्याणी खडगी मयजु, ३६) सर्मिला मैया श्रेष्ठ मयजु, ३७) अनारदेवी गुर्वाचार्य मयजु, ३८) उत्पला तुलाधर मयजु, ३९) पुष्पहिरा तुलाधर मयजु, ४०) गंगा श्रेष्ठ मयजु, ४१) रुक्मिणी श्रेष्ठ मयजु, ४२) अन्जना ताम्राकार मयजु, ४३) भरत नारायण मानन्धर मयजु, ४४) गौरी श्रेष्ठ मयजु, ४५) लक्ष्मी महर्जन मयजु, ४६) इन्दिरा श्रेष्ठ मयजु, ४७) कस्तुरी श्रेष्ठ मयजु, ४८) ज्ञानी महर्जन मयजु, ४९) अरुणा बैद्य (शाक्य) मयजु, ५०) मिना अमात्य मयजु,

५१) बुद्धलक्ष्मी शाक्य मयजु, ५२) सरी महर्जन मयजु, ५३) इन्दिरा बैद्य मयजु, ५४) पञ्चमाया महर्जन मयजु, ५५) शानु (शान्ति) प्रजापती मयजु, ५६) बेदराज जोशी भाजु, ५७) कमल श्रेष्ठ भाजु (नाँ लितकया दिल) , ५८) सुमेश अमात्य भाजु, ५९) रुद्रराज जोशी भाजु, ६०) पुरुषोत्तमलाल अमात्य भाजु, ६१) तिर्थनारायण श्रेष्ठ भाजु, ६२) शान्तमान शाक्य भाजु, ६३) रामेश्वर श्रेष्ठ भाजु, ६४) हर्षरत्न शाक्य भाजु, ६५) सुरेश प्रधान भाजु, ६६) रविन्द्र गोपाल बैद्य भाजु, ६७) शान्तप्रकाश श्रेष्ठ भाजु, ६८) प्रकाश श्रेष्ठ भाजु, ६९) धनबहादुर महर्जन भाजु, ७०) शर्मिला शाक्य मयजु, ७१) सरिता सैंजु मयजु, ७२) मिना बज्राचार्य मयजु, ७३) विजयकुमार श्रेष्ठ भाजु, इत्यादिपिँ खः। (नेरापाया दुजः झी सुरेश प्रधान भाजु पाखेँया सुचँकथँ, “५७) कमल श्रेष्ठ” भाजुँ थःगु नाँ लितकया दीगुलिँ, समानुपातिक उम्मदेवार जम्मा ७२ म्हँ जुल)

छिगु कमेन्ट् थन क्वसँ च्वयादिसँ।

प्रचण्डयात किपूया नागामे लसकुस

नेपाल संवत ११२८ वछलाथ्व ४ (चतुर्थी) शनिवाः
येँ निर्वाचन क्षेत्र नं १० सँ संविधान सभाया चुनावँ त्याःम्ह नेकपा माओवादी अध्यक्ष प्रचण्ड किपूया नागाँया जनताया लसकुस् स्वीकार यासे। २४० दँ न्ह्यवः पृथ्वी नारायण शाहनँ यागु आक्रमणँ सुरु जूगु नेपाःमण्डःया नेवाःतेगु सभ्यताया ध्वस्तिकरनँ गुलितक्क झीतः स्यंका बिल धासा, नेवाःत थःगु माँभासँ आखःब्वनेगु मौलिक अधिकारयातहे मागयाय् मसया वन।थ्वथेँ तधंगु विनाश मेगु छु दु झीतः जूगु?

“नेताजु , भोटला जिमिसँ छितः बीधुन ………………………………….” (खालि थाय् छिगु खँग्व तना जायेकेतः थन क्वसँया comment टेः क्लिक् याना दिसँ।)
किपाः सुभाय - ईकान्तिपूर, शालिगराम तिवारी

भाग्यँ छम्ह नेरापाया दुजः संविधान सभाय् दुथ्याइगु

नेपाल संवत ११२८ वछलाथ्व ३ (तृतिया) शुक्रवाः
नेपाः राष्ट्रीय पार्टिया ६ (खु) म्ह उम्मेदवारते दुने छम्हेसिनंहे त्याके मफूगु झीसकसिगु अभाग्य खः। अयनँ, समानुपातिक् मतदान कथँ, नेपाः देसभरी नेरापायात प्राप्तजूगु मत ३५८८० दु (थउँ, ४ चतुर्थि शनिवाःया अपडेट् अनुसार नेरापायात प्राप्तजूगु मत ३६३२४ थ्यँगु दु)। निर्वाचन आयोगया नियम अनुसार ३१००० मत प्राप्तजूगु पार्टिया प्रतिनिधियात संविधान सभाय् प्रतिनिधि जुये फैगु नियम अनुसार, नेरापाया दकले न्हापाँगु मौका थ्वहे जूवःगुदु। थुकीया अर्थ कमसेकम् नेरापाया छम्ह प्रतिनिधि संविधान सभाया सदस्य जुइफैगु मौका प्राप्त जुल धैगु खः।खःजा नेरापाँ सुयातः संविधान सभाय् प्रतिनिधियाना छ्वइगुला स्वयहे बाकिदनि। अयनँ, झी दनेवाः परिवारया बिचाकथँला, नेरापाया दुजःते दथुइ दकले अप्बः मत प्राप्त यानाकाम्ह नरेश वीर शाक्य भाजुयात हे संविधान सभाय नेवाःतेगु नायःया हिसाबँ छोयदुसा ज्यूथेँताः। अयनँ, नरेशजु धाःसा नेवाः पासापिन्तः स्वापुतये अल्सिचाइपिँ दथुइ नंबर वन् जुयाच्वंगुलिँ भचा धन्दा।

नेरापाया उम्मेदवारत बूसाँ, प्राप्त मत अनुसार ततःधंगु पार्टित सिबे च्वयेलाः

ने सं ११२८ चिल्लागा ९ (नवःमी) सोमवाः
विभिन्न राजनैतिक पार्टी विभाजित नेवाः भोटँ पराजित नेवाःत छगु जुनि छकः जक प्राप्त जूगु मौका नेवाःतेसँ गुमेयात। वंगु बिहिवाः अप्रिल १० तारिक कुन्हु जूगु संविधान सभा निर्वाचनय्, नेपाः राष्ट्रीय पार्टिया उम्मेदवार ६ (खु) म्हे छम्हेसिनँ हे चुनावय् त्याके मफुत। नेवाः उम्मेदवारत संविधान सभाय् दुतछ्वया, न्हूकथँ देःकीगु संविधाने नेवाःतेगु अधिकारयात संरक्षन व उत्थान यायेगु ज्यायाय फइगु आसायाना च्वँपिँ गुलिनँ देसवासी नापँ विदेसवासी नेवाःतेगु लागी थुगुसियागु निर्वाचनया परिणाम तसकँहे म्हाइपुसे च्वंगु जक मखुसे नेवाःतेगु भविष्य छुजुइधैगु हे धाय मफइगु कथँ ग्यानापुसे च्वँ। खःजा २३९ दँ न्ह्यवः पृथ्वी नारायण शाहनँ नेपाःयात आक्रमण यावःबले, गोर्खाली आक्रमणकारि फौजया बन्दुकया गोलियात, नेवाःतेसँ मरीँ केःकूगुखँ स्यूपिसँ न्हिला सिधेकीथेँ, थुगुसिया नेवाःतेगु असफलतायात, अपायच्वः धन्दाकयानँ छुयायगु धाइपिँ नेवाःपासापिँ हे आपा दूगु खना झी नेवाः परिवारया अपायच्वः न्ह्याइपु मता। अएनँ, निर्वाचनया परिणाम विश्लेषण याना स्वयबले, नेवाःतेगु एःकता न्हापासिबे गाक्कँहे बल्लाना वया च्वंगुदु धायमा। नेरापाया उम्मेदवारत थूगु संविधान सभा निर्वाचनँ बूसाँ, येँ व यले, नेपाःया ततःधंगु पार्टित सिबे अपो मत कया प्येन्गूगु थासय थाहाँ वःगु दु। थथे बल्लना वयाच्वंगु एःकता भविष्ये आसिबे बल्लनावइगु आसायायफुनि।

दकले अपो नेवाः मत कया दीपिनिगु नाँ धल कथँ, नापँ थःगु क्षेत्रे प्राप्तयाना कायफूगु थाय स्वयबले, नेरापाया भविष्य बाँहेलाइतिनि।
नेरापाँ दँपिँ उम्मेदवार – कुर्कूगु मत – थःगु क्षेत्रे प्राप्तजूगु थाय
१) येँया निर्वाचन क्षेत्र नं ८, नरेश वीर शाक्य - ३९७५ मत – रापपा, रापपा (नेपाल), राजपा सिबे अपो मतकया प्येन्गूगु थासय
२) यल निर्वाचन क्षेत्र नं २, पुष्प रत्न शाक्य – २३६० मत – रापपा, रापपा (नेपाल), राजपा, नेकिमपा, जनमोर्चा सिबे अपो मतकया प्येन्गूगु थासय
३) येँया निर्वाचन क्षेत्र नं ७, विजय प्रकाश सैजु - २१३५ मत - रापपा, रापपा (नेपाल), राजपा, नेकिमपा, नेकपा (माले), सिबे अपो मतकया प्येन्गूगु थासय
४) येँ निर्वाचन क्षेत्र नं ६, सुवर्ण केसरी चित्रकार – १३२० मत - रापपा, रापपा (नेपाल), राजपा, नेकिमपा, नेकपा (माले), नेकपा (एकीकृत), सिबे अपो मतकया प्येन्गूगु थासय
५) यल निर्वाचन क्षेत्र नं ३, धन भक्त शाक्य (लुमन्ती) – १२६२ मत - रापपा, रापपा (नेपाल), राजपा, नेकिमपा, नेकपा (माले), नेकपा (एकीकृत), सिबे अपो मतकया प्येन्गूगु थासय
६) येँ निर्वाचन क्षेत्र नं १०, विष्णु प्रसाद श्रेष्ठ – ३०० मत – नेकपा (माओवादी), एमाले, कान्ग्रेस, रापपा, रापपा (नेपाल) या क्वसँ मत कया ६ थाय प्राप्तयाना कायफत।

अले झीगु ७५ जिल्लाय नेरापायात मतदान यागु जिल्ला दथुइ दकले अपो येँ निर्वाचन क्षेत्र नं ८ ठे ६२७७ मत; दकले म्हो महोत्तरी जिल्लाय १ मत खः। दकले मछासे च्वंगुला यल निर्वाचन क्षेत्र नं २, व नं ३ या परिणाम – निगुलिँ ० – ० मत। अयनँ, यल निर्वाचन क्षेत्र नं १ या समानुपातिक परिणाम पिहाँमवःनिगुलिँ, थ्व मिलेमजूगु तथ्याङक जुयेमा धका आसयान च्वना।

थ्व खँ पोष्ट याना च्वच्वँ नेकपा माओवादिँ १०४, कांग्रेस ३०, एमाले २४, मधेशी जनाधिकार फोरम १५ सीट त्याकूगु बुखँ न्यनेदु। थुकिया परिणाम छु जुइ बिचा याय बहजु। मत गणना जुयातुँ च्वनतिनि।

संविधान सभाया निर्वाचनय् त्यापिँनिगु अपडेट् लिच्वः

ने सं ११२८ चिल्लागा ६ (षष्ठी) शुक्र वाः
छगु जुनिइ छकःजक जुइफूगु झीगु संविधान सभाया निर्वाचनय् त्यापिँनिगु नाँ धल थथे खः

येँ (काठमाडौँ ) निर्वाचन क्षेत्र नं १
उम्मेदवारत - पार्टि - कुर्कूगु मत
१) प्रकाश मान सिंह - नेपाली कांग्रेस - १४३४०
२) प्रदीप नेपाल - नेकपा एमाले - ६७७९
३) राम मान श्रेष्ठ - नेकपा माओवादी - ४८३७

The Winner प्रकाश मान सिंह, नेपालि कांग्रेस उप सभापति

न्हूगु अपडेट्
निर्वाचनया न्हूगु लिच्वः कथँ आपा मतप्राप्त याना न्ह्यःने लाना वया च्वपिँ थथे खः।

येँ (काठमाडौ) निर्वाचन क्षेत्र नं २ ले एमालेया नायः माधव नेपाल सिबे नेकपा माओवादीया झक्कु प्र सुबेदी न्ह्यःने वयाच्वन्गु दु।
१) झक्कु प्र सुबेदी - नेकपा माओवादी
२) माधव नेपाल – नेकपा एमाले
३) दिपक कुईकेल - नेपाली कांग्रेस

मतगणनाया न्ह्यःने वयाच्वँपिँ मेमेपिँ उम्मेदवारत थथे खः ।

येँ (काठमाडौ) निर्वाचन क्षेत्र नं ३
१) चक्र बहादुर ठकुरी - नेपाली कांग्रेस
२) रामेश्वर फुयाँल - नेकपा एमाले
३) मनु हुमागाई के सी - नेकपा माओवादी

येँ (काठमाडौ) निर्वाचन क्षेत्र नं ४
१) सुप्रभा घिमिरे नेपाली काग्रेस
२) बिद्या भण्डारी एमाले
३) पवनमान श्रेष्ठ माओबादी

येँ (काठमाडौ) निर्वाचन क्षेत्र नं ५
१) नरहरि आचार्य - नेपाली काग्रेस
२) दीपेन्द्र प्रकाश महर्जन - नेकपा माओवादी
३) ईश्वर पोखरेल - नेकपा एमाले

येँ (काठमाडौ) निर्वाचन क्षेत्र नं ६
१) योगेश भटट्राई एमाले
२) हितमान शाक्य माओबादी
३) भिमसेन दास प्रधान नेपाली काग्रेस

येँ (काठमाडौ) निर्वाचन क्षेत्र नं ७
१) हिसिला यमी नेकपा माओबादी
२) राजेन्द्र प्रसाद श्रेष्ठ नेकपा एमाले
३) प्रमिला सिंह डंगोल नेपाली काग्रेस

येँ (काठमाडौ) निर्वाचन क्षेत्र नं ८
१) अष्ट लक्ष्मी शाक्य - नेकपा एमाले
२) सर्वोक्तम दास डंगोल - माओबादी
३) नविन्द्र राज जोसी - नेपालि कांग्रेस

येँ (काठमाडौ) निर्वाचन क्षेत्र नं ९
१) माईला लामा तामाङ - नेकपा माओबादी
२) कृष्ण गोपाल श्रेष्ट - नेकपा एमाले
३) ध्यानगोविन्द रञ्जित - नेपाली काग्रेस

येँ (काठमाडौ) निर्वाचन क्षेत्र नं १०
१)पुष्प कमल डाहाल(प्रचण्ड) - नेकपा माओवादी
२) राजेन्द्र कुमार के. सी. - नेपाली काग्रेस
३) सानु कुमार श्रेष्ठ - नेकपा एमाले

यल(ललितपुर) निर्वाचन क्षेत्र नं २
१) चन्द्र महर्जन - नेपाली कांग्रेस
२) राज काजी महर्जन - नेकपा माओवादी
३) सिद्धि लाल सिं - नेकपा एमाले

यल(ललितपुर) निर्वाचन क्षेत्र नं ३
१) पम्फा भुसाल - नेकपा माओवादी
२) मोहन श्याम पौडेल - नेपाली कांग्रेस
३) रघु जी पन्त - नेकपा एमाले

Watch out for more! मेगु ताजागु बुखँ पियादिसँ, पिहाँवयखतँ थन दुथ्याके।
- झी The Newah

छिगु कमेन्ट् थन क्वसँ च्वयादिसँ।

नेवाः झीगु भोट् ,सकसितँ समानता दैगु न्हूः नेपाः दयकेतः

ने सं ११२८ चौलाथ्व १ (पारु) सोमवाः
थ्वहे बिहिबाः पञ्चमी (अप्रेल १०) कुन्हु नेपाले ऐतिहासिक रूपँ जुइगु संविधान सभा निर्वाचनँ, देसे जुया च्वन्गु आर्थिक सामाजिक असमानताँ याना दया च्वंगु भेदभिन्नतायात अन्त याना छोयेफैगु मौका जुइफु। थुकी झी नेवाःतेसँनं तःधंगु देन् यायफु।

दकले न्हापाँ, झी सकले जाना संविधान सभा निर्वाचनय् भोट् कुर्कः वनेगु। संघीय गणतन्त्रया लक्षकया देःकीगु न्हूँ नेपाःया संरचनाय् झीगु वासस्थान नेपाल मण्डलयातनँ दुथ्याकेगु अत्यावश्यक। झीसँ दाबि मयायकँ झीगु प्रदेश झीगु स्वायत्त जुइमखु। झीगु सः हे भोट् खः। तःसः धैगुहे झी आपासिगु भोटँ झीगुलागी ज्यासनीपिँ उम्मेदवारतेतः त्याकेगु खः। उलि झीसँ यायमफुत धासा, झी सकसिगु साझा नेपाःदेयात हिमालि, पहाडि, मधेशी तय बिचे इनाकाइगु जुइफु। झीला, वाताँ स्वया च्वने माली।

उलिजकला, नेपाल मण्डलयात स्वायत्त नेवाःतेगु प्रशासनय् हय् मफैगु धैगुया अर्थ जुइफु, नेपाःल मण्डलँ झीहे बिस्थापित जुइमालीगु । झीसँला नेपाल मण्डलयात झीगु स्वायत्त शासनँ उत्थान याय फयके माःगु जक मखुसे, नेपाल देस छगुलिँ उत्थान यायगु झीगु कर्तब्य खः। अथे यायतः दकले न्हापाँ झीगु तुतिँ चुइमाल। तुतिँ चुयेत धिसिलाःगु थाय माल। तुतिँ चुइगु थायदतकि, अले झीसँ न्ह्याम्हेसितँनं उद्धार यायफै। थथे यायफैगुहे , नेपाःदेः, सकल नेपाःमि (नेपालि) जनता प्रति झीसँ यायफैगु तःधंगु देन जुइफु।
- झी The Newah