The Newah (नेपाल भासँ थःगु बिचाः प्वन्केगु हलिमे छगुहे जक नेवाः ब्लग् )

Watch out for news and views. You are also welcome to opine.
संविधान सभाया सुभारम्भ - न्हू नेपाःया ऐतिहासिक आरम्भ। अयनं धात्थेँ सकसितः समान हक दैगु नेपाः जुइगु खःला?
बुखँ व बिचाखँ पियादिसँ। छिसँनं थःगु बिचाः प्वंका हैदिसँ।

हिमाल स्वायत्त प्रदेशया माग

नेपाःया पुर्व ताप्लेजुङ्गँ निसेँ सुदुर पुर्व दार्चुला जिल्ला तक्क नेपाःया हिमाल जिल्लाय छरेजुया च्वपिँ भोटेजातीते भास, संस्कृति, धर्म व भूगोल नापँ जीवन शैलिया आधारे समान जुयाच्वंगु खःसाँ, राज्यँ थ्व जातीते प्रति बिखण्डन यायगु उद्देश्यँ वंगु प्रशासनिक ज्याखेँ लापरवाहि व षडयन्त्र याना थीथी जात व जातीते दथुइ बिभाजन यानाबिल। आःवया सम्पन्न जुइगु संघीय सरकारया दुने, हिमाल आदिवासीत छपँजुया ऐतिहासिक पृष्ठभूमि तथ्यया आधारे “हिमाल स्वायत्त प्रदेश” माग यायेगु अतिकँ जायज जू। शेर्पा सेवा केन्द्र गोम्पा बौद्ध टुसाले, हिमाली क्षेत्रँ सम्बिधान सभा सभासदया लागी थीथी राजनैतिक दल पाखेँ प्रत्यक्ष व समानुपातिक कथँ हिमाल जिल्लाँ त्यानावःपिँ सभासदतेत छगु औपचारिक ज्याझ्वःसँ लसकुस व भिन्तुना देछाःगु ज्याझ्वःया लसकुस बियादीम्ह हिमाली लोकतान्त्रिक गणतान्त्रिक नागरिक मन्चया उपाध्यक्ष नोर्भु घले डोल्पोँ धयादिल।

संघर्ष समितिया पाखेँ कृपासुर शेर्पाँ हिमाल स्वायत्तया माग सम्बन्धि स्पस्ट यानादीगु खःसा, मन्तब्य बीगु झ्वःले, ने का या जीप छिरिङ्ग् लामा शेर्पाँ “राज्यँ हिमालवासीतेगु मागयातः बेवास्ता यातधाःसा उकुन्हुतिनि जूगु तराईया उदाहरण बिसे सम्बन्धित पार्टिहे सामुहिक विद्रोह याना थःगुहे न्हूगु राजनैतिक पार्टि थनेगुलिइ लिचिले मज्यू ” धका गर्जे जुया धैदिल। पाहाँपिँ, केशब बराल, लकि शेर्पा, डम्बर ब खडका, बाल क्रिषण ढुङ्गेल, आङ दावा शेर्पा, पासाङ् शेर्पा (आदिवासि अध्यक्ष) , ने का पासाङ् शेर्पा, प्रेम तामाङ् (माओवादी) रसुवा, वरिस्ठ शैन्यबिद डा इन्द्रजित राई (माओवादी) लक्ष्मी गुरुङ रामेछाप, छिमी लामा भाजु मयजुपिँ थःथःगु मन्तव्य बियादीगु थ्व ज्याझ्वले, हिमाल जिल्लाया सकभनँयापिँ द्वलँद्वः ब्वतिकावःपिँ सकसितँ ग्वसाःखलःया पाखेँ जलपानया बाँलाःगु ब्यवस्थानँ दूगु जुया च्वन।

किपाः व बुखँ गुहाली - छिरिङ्ग् तेन्जिङ् शेर्पा,

जपाने स्वाँया पुन्हीया ज्याझ्वः

Outline
The Buddhists and friends of Buddhism will gather to celebrate Buddha’s Birthday and pray for world peace in Japan. Gotami Buddhist Vihara, Hatagaya Tokyo will organize the celebration tomorrow whole day with Buddhapuja (veneration to Buddha), Dharmadesana (sermon), Dana (offering of food to Buddhist monks), Bhavana (meditation) and pray for world peace. The programme is scheduled to be led Ven. A. Sumanasara Mahathera and Sri Lanka Ambassador to Japan H. E. Ranjit Uyangoda.

Meanwhile, Newa International Forum Japan will jointly organize its Veisakha celebration with the Embassy of Nepal in commemoration of Buddha and his service to world peace on 1st June at Gohyaku Rakan Buddhist Vihara, Meguro, Tokyo. Ambassador H. E. Dr. Ganesh Yonjan Tamang will lead the prayer for world peace gathering while Ven. Mangala Thera, a Nepali bhante resident in Taipei will lead the religious ceremony.

Full Story in Nepal Bhasa
NIFJ या ज्याझ्वः जुन् १ आइतवाः न्हिनसिया १ ता इलँनिसेँ
नेवाः अन्तर्राष्ट्रीय फोरम जपानँ देँदसँ हना वयाच्वन्गु २५५२दँया बुद्ध जयन्तिया स्वाँयापुन्ही थुगुसीनँ, नेपाल राज्यदुतावासया मंका ग्वसाले, तोःक्योः, मेगुरो त्वाःया गोह्याकु रकान (न्यासः अर्हत) विहारे जून १ तारिक आइतवाः कुन्हु, हना विश्व शान्ति कामना याइगु ज्याझ्वः दु। ताइपेवासि नेपाःयाम्ह मंगल स्थविर भन्तेया धर्मप्रवचन व नेपाल राज्यदूत डा गणेश योञ्जन मूपाहाँकथँ ब्वतिकाइगु थ्व ज्याझ्व न्हिनसिया १ ताइले न्ह्याकेगु ग्वसा ग्वयातःगु दु। फोरम या मूछ्यान्जे डा दिनेश मानन्धरँ पिकनादीगु विज्ञप्तिइ नेपाल, श्रीलंका, बर्मा व जपानितेसँ ब्वति काइगु थ्व बुद्ध पुजाय् , इच्छादुपि सकल पासापिन्तः बुद्ध जन्म, वस्पोलया बोधिलाभ व महापरिनिर्वाण जूगु थ्व न्हि लुमंका बुद्ध पुजा, धर्म देशना न्यना हलिमे सकसितँ शान्ति पार्थना याःझायेतः ईनाप यानातःगु दु। ज्याझ्वः पूवन्क सिइकेतः www.newajapan.org क्लिक् याना दिसँ। अथे मखुसा NIFJ या अफिसे 03-3311-6475 स्वापू तैदिसँ। मूछ्यान्जेया बक्तव्ये, सुथसिया ११ ता इले भन्तेपिन्तः बिइगु भोजन दानेनँ ब्वति काय् न्ह्याःपिसँनं थ्वहे नम्बरे स्वापू तयेतः इनाप याना तःगु दु।

गोतमी विहारे स्वाँयापुन्ही ज्याझ्वः कन्हे (मे २५ तारिक आइतवाः) सुथसिया ९ ता इलँनिसेँ
नापँ, कन्हे (मे २५) आइतवाःकुन्हु जपान थेरवाद बुद्ध विहारया ग्वसाले, तोःक्योः हातागया त्वाःया गोतमी बुद्ध विहारेनं सुथसिया ९ ताइलँ निसे, बुद्धपुजा, धर्म देशना, भन्ते गुरुमाँपिन्त भोजन दान व ध्यान भावनाया ज्याझ्वःले हलिमे सकसितँ शान्ति पार्थना याइगु दु। गोतमि विहाराधिपति पूज्य ए सुमनसार महास्थविर भन्तेया प्रवचन व श्रीलंकाया राज्यदूत रञ्जित उयन्गोड मूपाहाँकथँ ब्वतिकाइगु थ्व ज्याझ्वले, जपानवासी आपालँ बौद्ध उपासक उपासिका पिसँ ब्वतिकाइगु ज्याझ्व दु।

लुमंके बहजू, निदँ न्ह्यवः नेपाःया प्रतिनिधि जुया धर्म प्रवचन याः बिज्याम्ह पनौति बुद्ध विहार प्रमुख पूज्य सत्यपारमिता गुरुमाँ थुगुसिइनँ थ्व ज्याझ्वले ब्वति काःबिज्याइगु ज्याझ्वदुसाँ, गुरुमाँ आकाझाकाँ किडनिया ल्वये जुया बिज्याये मफैगु न्यना सकसिनं म्हाइपुका च्वंगु दु। नेपाले भन्ते गुरुमापिसँ गृह त्याग याना बुद्ध धर्म प्रचार प्रसार याना बिज्यासाँ ल्वचँकालकि थःगु परिवारयागु भलसा काः वनेमागु प्रवृति दु। थ्व, नेपाःमि बौद्धतेसँ बिचाःयायेमागु विषय बस्तु खः। वस्पोल गुरुमाँ थउँकन्हेँ कायभाजु सागरमान वज्राचार्यया छेँ च्वना वासः याका बिज्याना च्वंगु दु। झी The Newah परिवारया पाखेँ वस्पोल गुरुमाँया ल्वये याकनं क्वलना वनेमा धका दुनुगलँनिसे प्रार्थना याना च्वना।

तोःक्योः गोतमी विहारे जुइगु स्वाँयापुन्ही ज्याझ्वः पूवंक सिइकेतः http://www.j-theravada.net क्लिकयाना दिसँ मखुसा गोतमी विहारे फोन 03-5738-5526 याना दिइफु।

बुद्ध जन्मभूमि नेपालेनं हलिमे थायथासयनं बुद्ध जयन्ति झःझः धायक हन

म्हिगः मे २० तारिक मंगलवाः स्वाँया पुन्ही कुन्हु, विश्व शान्तिया प्रतीक भगवान गौतम बुद्धया जन्म, वस्पोलया बोधिलाभ व परिनिर्वाण जूगु दीँया लसताय वस्पोलया गुण व वस्पोलँ बिया बिज्यागु धर्मशिक्षा लुमन्का २५५२ क्वगु बुद्ध जयन्ति बुद्ध जन्मभूमि नेपाः व हलिमे थाय थासे थीथी कथँया ज्याझ्वया दथुइ झःझः धायक हन।

नेपाःया दुने, येँ, यल व ख्वप या स्वनिगः दुथ्यागु नेपाल मण्डल न्यंकभनं, लुम्बिनी, पोखरा ईत्यादि, थायथासया स्तूप, विहार व गोम्पाय् आरति याना बुद्धपुजा यात। थुजोगु झःझःधागु बौद्ध परिसरे, स्वयम्भुई स्वनिगःया बुद्धमार्गी नेवाः समुदायया गुरु (वज्राचार्य) पिनि पाखेँ पञ्चबुद्धया लँःपुना पञ्चबुद्ध देवनृत्य (शेर्पा भासँ “ग्याल्वा रिग्-ङ छ्याम्”) याना पुजा यात। बुद्ध जयन्ति समारोह समितिया ग्वसाले, आनन्दकुटी विहारे, सभामुख सुवास नेम्वाङँ बुद्धया पवित्र अस्थिधातुई स्वाँ छाया पुजायासे बुद्धपुजा सुरुजुला। भगवान बुद्धया जन्म, बोधिज्ञान प्राप्त, महापरिनिर्वाण जुया बिज्यागु थ्व पुण्य दिने थन विहारया गर्भ भुमिई सुरक्षित याना तैतःगु अस्थि धातु श्री लंकाया राज्यदूतया ल्हातँ सकसितँ दर्शन याकल। श्रीलंकाया पाखेँ उपहारकथँ प्राप्त जूगुकथँ बुद्धया अस्ति धातु श्रीलंकाया राज्यदूत पाखेँहे केनेगु परम्परा दु।

शेर्पा सेवा केन्द्रया ग्वसाले बौद्ध टुसालया शेर्पा गोम्पाय् हिमाली लामापिसँनं थःथःगु विधिकथँ पुजा याना झःझःधायक बुद्ध जयन्ति हन। खेन्पो (लामा भन्ते) या पाखेँ शेर्पा भासँ बुद्ध जयन्तिया महत्व व बुद्ध दर्शनया बारे पर्वचन याना बिज्यात।
बुद्धपुजा क्वाचायकाः, थीथी संघसंस्थाँ विशाल –यालि, आकासँ नेपाः सेनाया हेलिकप्टरँ स्वाँह्वला बौद्ध व चाबही क्षेत्र फुक्कँ स्वाँया केबथेँ जुल। बुद्ध धर्म, दर्शन व पंचशिलया सिद्धान्त आः थीथी भासँ सयेकेदूगुलीं जनमानसते चेतना जुया बुद्ध धर्म पर्ति न्हिथँ आस्था तःजिया वयाच्वन्गु दु। पस्चिमि देःदेसे बुद्ध धर्म प्रति ब्वलना वया च्वंगु श्रद्धाँयाना नेपालेनँ वंगु दँ स्वया भक्तजनपिनिगु संख्यानं तःजिया वैच्वन्गु खँ ग्वसाखलःपिसँ धैदिल। भगवान बुद्धया जन्म, बोधिज्ञान प्राप्त, महापरिनिर्वाण जुया बिज्यागु थ्व पुण्य दिने स्वयम्भुया गर्भ भुमिई सुरक्षित याना तैतःगु भगवान बुद्धया अस्थि धातु श्री लंकाया राज्यदूतया ल्हातँ सकसितँ दर्शन याकल। श्रीलंकाया पाखेँ उपहारकथँ प्राप्त जूगुकथँ बुद्धया अस्थि धातु श्रीलंकाया राज्यदूत पाखेँहे केनेगु परम्परा जुयावःगु खः

प्रधान मन्त्रिया बक्तव्य
बुद्धया सन्देश अनुसरण याये फुसा जक शान्ति व सद्भाव दयावई।
भगवान् गौतम बुद्धया सन्देशयात झी सकसिनं अनुसरण यायफुसा जक हिंसा, द्वन्द्व व अस्वस्थ प्रतिस्पर्धा यात मदेका संसार न्यंकबनँ शान्ति, सहिष्णुता व सद्भाव कायम यायफइ। विश्वशान्तिया प्रतीक गौतमबुद्धया जन्म, बोधिलाभ व महापरिनिर्वाण जूगु दिने वसपोलया गुण अनिस्मरण यायेगु बैशाख पुन्हीया लसताय, देःदुनेनं पिनेनं च्वनाच्वपिँ नेपाःमितेतः भिन्तुना देछासे पिकागु बक्तव्ये अथे धयातःगु दु।

गौतम बुद्धया जन्भूमि नेपालेहे वंगु छूँदँ निसेँ हत्या, हिंसा व आतङ्कया अनेक घटनाँ आक्रान्त जुल। थउँया थ्वदिनँनिसेँ, सुया पाखेँ सुयातनँ अन्याय, असमानता, शोषण व दमन फये म्वालेमा नपाँ संसारे न्यंकभनं शान्ति, सहिष्णुता व सद्भाव कायम जुयेमा धका दुनुगलँ निसेँ भीँतुना च्वना - प्रम कोइरालाँ व्यक्त यानातःगु दु।

किपाः सुभाय् - सबिन तुलाधर/गोरखापत्र; मःकन्टाइल् कम्यूनिकेशन्स्; छिरिङ् तेन्जिङ्ग् शेर्पा
बुखँ गुहालि - छिरिङ् तेन्जिङ्ग् शेर्पा

मेगु बुखँ वया हे च्वंगु दनि।

पवित्र स्वाँया पुन्हीया लसताय सकसितँ भिन्तुना !

The Newah family cordially extends its best wishes for a happy and peaceful holiday to all of you, who commemorated today the Triple blessed Holy Day of Lord Buddha’s Birth, His Enlightenment and attainment to Supreme Nibbana!

We will bring out a special analysis of news and views of today’s great event around the world in days to come.

बुद्धया जन्म, बोधिलाभ व परिनिर्वाण जुया बिज्यागु थउँया पवित्र दिने, झी दनेवाः परिवारया पाखेँ छिकपिँ सकसितँ सुख शान्ति व सम्वृद्धि जुयेमा धका दुनुगलँनिसे भीँतुना च्वना।

थउँयादिने, हलिमे न्यंकबनँ न्यायेकूगु स्वाँया पुन्ही महोत्सवया बुखँ व बिचाखँया दुवाला याकनं दुथ्याके तेनागु दु।
किपाःसुभाय - www.fpmt-osel.org

जुजु ज्ञानेन्द्रँ दक्षिणकालिइ पञ्चबलि

Outline
King Gyanendra, whose monarchy is all set to be abolished by the first meeting of Constituent Assembly on 28th of this month, offered sacrifical beasts to Goddess Kali at Dakshinkali Hindu Shrine in the outskirts of Kathmandu yesterday following the sacrificial tradition initiated by Prithvi Narayan Shah, who expropriated Newah kingdoms of Nepal Mandala in 1768.

Story in Nepal Bhasa
मे २८ तारिक कुन्हु सुरु जुइगु संविधान सभाँ, राजतन्त्र मदेका छोइगु ई न्ह्यनेवया च्वंगु पाःलाकाला खइमखु, थनँ २४० दँ न्ह्यवः नेपाल मण्डलया नेवाः राज्यत लाकाकाःम्ह पृथ्वीनारायण शाहया पालँनिसेँ वैशाख शुक्ल अष्टमी पतिकँ, इष्टदेवीया पूजा यायगु परम्पराकथँ जुजु ज्ञानेन्द्रँ सोमवाःकुन्हु दक्षिणकालीया पुजा याःवन। सुथय् १० (झि) ता इले परिवार नापँ दक्षिणकालीई थ्यन्कःवोँम्ह ज्ञानेन्द्रँ कालीमाँ नापँ मेमेपिँ द्योपिन्तःनँ पूजा याना पञ्चवलि (न्याम्ह पशुपंछितेगु बलि) चढेयागु जुयाच्वन।

विश्व शान्तिया प्रतीक बुद्धया जन्मभूमी नेपाले, हिंसा बलिबिया कालीमाँया पाखेँ राजतन्त्रयात बचेयाये फैगु खःला स्वयेगु बाकिहे दनि। “अहिंसा परमो धर्म” धका स्यनीगु हिन्दु धर्मे हिंसा बलि बीगु सुनाँ सुरुयात, सीके बहजू।
- झी The Newah

किपाः सुभाय् - समुद्रपारिडटकम्
छिगु कमेन्ट् थन क्वसँ च्वया दिसँ। छिगु कमेन्ट् छकः जक च्वयादीसा गाः। प्रकाशन् जुइतः छूँ भचा समय कायेफु।

अल्फा इन्टःनश्यनल् कृष्टल् तोःक्योः शाखाया उले ज्या

Outline
Hong Kong’s successful Newah Businessman Uttam Pradhan opened his Tokyo branch of Alfa International Inc. on Saturday the 11th May amidst Japanese and Nepalese wellwishers.

Story in Nepal Bhasa
हङकङया छम्ह सफलम्ह नेवाः व्यापारि, उत्तम प्रधान यागु, अल्फा इन्टःनश्यनल् कृष्टल् पसःया शाखाया उले ज्या, थ्वहे मे ११ तारिक शनिवा कुन्हु तोःक्योः शहरया ओकाचिमाचि त्वाले जपानि व नेपाःया पासापिनिगु सहभागित्वय झःझः धायेक जुल। नेपाःप्रेमि दाइरोकु कसाइ स्कूलया प्रिन्सिपल इतोः व शिक्षिका तोमिनागाँ बुद्ध मूर्तिया न्ह्यःने धुपायँ च्याकाः यानादीगु थ्व उले ज्याय् ब्वतिकया दीपिँ भाजु मयजुपिँ छथ्वया किपाः।

किपाःले दुपिँ सुँ म्हस्यूपिँ दुला, स्वयादिसँ। फेतुनाच्वपिँ खवँनिसेँ - तोमिनागा मयजु, इतोः, एहारा, उत्तम प्रधान, इतोः मयजु, दनाच्वँपिँ खवँनिसेँ - सुवन् वज्राचार्य, प्रमिला मयजु, आइआरआइ अध्यक्ष मियाशिरो निम्हतिपू, उज्वला मयजु, उदित बाबु, तोयोशिमा मयजु व डा‍ उत्तम कर्माचार्य। किपाः काःम्ह - सुकुमन् थिं तामाङ

जपानवासी एनआरएनते जुल निर्वाचन नेपाली ताःलँ

Outline
Last Sunday, the much-expected NRN Japan’s second national convention, chaired by Nepal Ambassador H. E. Dr. Ganesh Yonjan Tamang, and the election conducted in the presence of NRN’s ICC members led by Vice President D. M. Hirachan, “democratically” elected an executive committee for a new two year term. The EXCO led by Bhavan Bhatta sworn in on Tuesday (6 May) by NRN Regional Coordinator for Asia Pacific, Ganesh Ijam in Tokyo. The election that was reportedly voted by an unexpectedly (otherwise to some) large number of voters (including non-members) brought in by bus loads from outside Tokyo flooded at the eleventh hour of the voting concluded “successfully” in the Nepalese style in the Japanese soil, where rule of law and system are norms.

Full Story in Nepal Bhasa
एनआरएन जपान पलिस्था याना ४ (पे)दँ क्यंगु व निकःगु राष्ट्रीय अधिवेशन वंगु आइतवाः (मे ४ तारिक) कुन्हुँ मूपाहाँ महामहिम नेपाली राज्यदूत डा.गणेश योन्जन तामाङ भाजुया पाखेँ उद्घाटन याना प्रारम्भ जुल । ज्याझ्वःले अन्तर्राष्ट्रीय परिषदया उपाध्यक्ष देवमान हिराचन, क्षेत्रिय संयोजक गणेश इजाम भाजुपिसँ पाहाँकथँ एनआरएन अभियानबारे मन्तव्य तइ दिल । तोःक्योःया मेगुरो सिटी हःले जूगु थ्व ज्याझ्वःया सभापतित्व, अध्यक्ष राजन प्रधानांग भाजुँ यानादिसे, संचालन संयोजक बेलु थापा भाजुँ याना दिल । अधिवेशनया लिपा न्हूगु कार्यसमिति ल्येगु निर्वाचन जुल।

सुथसिया १० (झि) ता व बाघौ ता इले सुरु जुइमागु अधिवेशनया उद्घाटन् बल्ल १२ता इले सुरुजुल । उकीया लिच्वःकथँनं, ५०० म्हँ निसेँ १०००म्ह सदस्यत निर्वाचने भोट कुर्कःवइ धागु अनुमान विपरित तोःक्योः शहरँ पिनेँ बस्का बसँ थ्यंकःवःगु मतदातातेगु भीडँ यानानं, न्हिनसिया १ (छि)ता इले सुरुजुइमाःगु मतदान सुरु जुइगु ई व क्वचाइगु ई गोःकःमछिं हिला बल्ल ३ (स्व)ता इले सुरुजुल । सन्ध्याया ७ (न्हे) ता इले थ्याक्क क्वचाइगु धागु मतदान, ई लिपा थ्यंकःवःपिनिगु लागी मेगु समय ताहाकःयायेमागु बाध्यँयाना बाघौ लिपा क्वचाल । निर्वाचन समितिया दुजःत अले स्वयम् सेवकतेःगु मत बीगु ज्या फुक्क सिधःबले बहनिसिया ८ (च्या) ता जुया वंगुलिँ, मत निनेगु ज्या कन्हेकुन्हु यायेगु निर्णय याना, उम्मेदवार सकसितँ लिहाँ वनेत सुचँ बीवँ, “सकलेँ” लिहाँ वन ।

कन्हे (मे ५ तारिक) कुन्हु, डा दिनेश मानन्धरया संयोजकत्वया निर्वाचन आयोग व एनआरएनया ज्याकुठिँ, त्याः मत्याः खबर वई धका फोन पियाच्वँपि गुलिनं, उम्मेदवारतेतः, नेपालजपानडटकमँ न्हिने पिकागु बुखँ जिल्ल चायका बिल । व बुखँ कथँ, मतदान सिधःबले समय मगाःगुलि कन्हेकुन्हु याय धाःगु मत ल्याःखायेगु ज्या उखुन्हुहे चाने सुनां मस्यूथासय यंका ल्याखाना विजयीतेगु नाँ धल पिकना तल । बुखँया नापँ पिकनातःगु किपाकथँ, भवन भट्ट भाजुया नेतृत्वये १५(झिंन्या) म्हेसिगु न्हूगु कार्यसमिति घोषणा याना तल।

एनआरएन जपानँ यागु घोषणाकथँ, प्रतिस्पर्धा जूगु थ्व मतदाने मत ल्याखायगु ज्याय् छम्हहे उम्मेदवारतेत दुमथ्याकूसे, अध्यक्षे दँपिँ निम्हेसिया प्रतिनिधित निम्ह व पुलाम्ह अध्यक्ष राजन प्रधानांग अले निर्वाचन आयोग स्वम्ह अफिसरतेसँ यायेगु धयातःसाँ तबिनं, मत ल्याखाःथाय् न्हूदँपि अध्यक्ष निम्ह, उपाध्यक्ष, कार्य समितिइ दँपिँ सदस्य (अतिविशेष आमन्त्रित) उम्मेदवारतनँ सिन्हँतिया खेँसगँ कया च्वन। हानं म्हिगःयागु न्यूजे न्हूगु कार्यसमितिया (अतिविशेष आमन्त्रित कासस जक) या सपथ ग्रहण, एनआरएन अन्तर्राष्ट्रीय समन्वय समिति एसिया प्रशान्त क्षेत्र संयोजक गणेश इजाम भाजुँ याका दिल। न्हापायागु काससया सदस्यते दथुइ निम्ह स्वम्ह बाहेक मेपीँ फुक्कँ बूसाँ तबिनं, न्हूगु कासया सपथ ग्रहण, कार्यभार लःल्हायेबले न्हापायापिँ कासस व न्हूपिँ काससनं दुथ्याय माःथाय, अननं विशेष आमन्त्रित सदस्यतेत जक सःतातल। न्यने दु, तोःक्योःया पिनेँ बःस्काबःसँ ल्हेयाहःगु मतदाताते दथुइ ६०० (खुसः) मतदातात सदस्यता शुल्कहे मपूपिँ खःसा, गुलिसिया लागी, अचानक, गुलिसिया लागि प्रीप्लान्ड कथँ न्ह्यावंगु थ्व निर्वाचन, समययातः, सिस्टम् यात ख्याल तइगु जपान देसे च्वना च्वँसाँतबिनं, एनआरएन जपानया ज्या फुक्कँ नेपाली तालँ हे “बाँलाक्क” क्वचागु जुल।

एनआरएन जपानया न्हूगु कार्य समितिइ दँपि नेवाःत खः निवर्तमान उपाध्यक्ष अरुण कुमार श्रेष्ठ, निवर्तमान सदस्यत सुवन् वज्राचार्य व डा शंकर श्रेष्ठ। थुगुसिइ दँपिँ नेवात खः, शान्ति डंगोल, सुनिल कुमार शाक्य, व राजिव श्रेष्ठ। शान्ति डंगोल छम्ह बाहेक मेपिँ फुक्कँ पराजय जुल। थुकी, सुवन् वज्राचार्य भाजुँ झीतः छोयाहैदीगु ईमेले, निर्वाचने बूसाँ, छिकपिनिगु मूवंगु मत दान याना सहयोग बियादीपिँ सकसितँ, सुभाय व लुमुगु लुमन्ति देछाना दीगु दु। नापँ राजिव श्रेष्ठ भाजुनं मतदाता पासापिन्त सुभाय् देछाना दीगु दु।
- झी The Newah

छिगु कमेन्ट् च्वयेतः थ्व च्वसूया दकले क्वय दूगु comments सँ च्वयादिसँ।

एनआरएन जपानया निर्वाचन सम्बन्ध मेगु लिन्कत, थथे खः
१) http://www.samudrapari.com/news.php?go=fullnews&newsid=3314　
२) http://www.samudrapari.com/news.php?go=fullnews&newsid=3300
३) http://www.nepaljapan.com/read.php?section=headlines&id=12015
४) http://www.samudrapari.com/news.php?go=fullnews&newsid=3325

छिगु कमेन्ट् थन क्वसँ च्वया दिसँ।छिगु कमेन्ट् छकः जक च्वयादीसा गाः।प्रकाशन् जुइतः छूँ भचा समय कायेफु।

एनआरएन जपानया नेतृत्वे भवन भट्ट

वंगु आइतवाः मे ४ (पी) तारिके सम्पन्नजूगु एनआरएन जपानया निकःगु अधिवेशनँ भवन भट्टया अध्यक्षताय् १५ (झिंन्या) म्ह दुजःया कार्यसमिति दयेकूगु दु। समितिया उपाध्यक्ष पदे ओम गुरङ व रोशन केसी, महासचिव पदे डा. सुदिप अधिकारी, सचिव पदे राजेन्द्र भट्टराई व कोषाध्यक्ष पदे शालिग्राम भण्डारी निर्वाचित जूगु दु।

नापँ समितिया सदस्य पदे निर्वाचित जूपिँ थथे खः। सुधनकुमार थापा, बाबुराम सापकोटा, शान्ती डंगोल, स्वतन्त्र पौडेल, लोकनाथ वस्ती, सफला धिताल, हर्क गुरुङ, कुमारी पुन र नरबहादुर थापा।

- एनआरएनया संस्थापक सदस्यत आपालं नेवाःत। अयनं चुनाव जुलकि बुइगुहे नेवाःत। लोडका लोड बसया मतदातात सःतेगु धन, बल जकला गन बिचाहे झीके मदुनि।(झी The Newah)

एनआरएन जपानया कोषाध्यक्ष पदे सुवन् वज्राचार्यया उम्मेदवारिता

गैर आवासीय नेपाली संघ (एनआरएन) जपानया मे ४ तारिके तोःक्योः मेगुरोकु सिटी हःले जुइगु राष्ट्रीय अधिवेशन् व न्हूगु कार्य समितिया निर्वाचनय् , सुवन् वज्राचार्य भाजुँ कोषाध्यक्षया पदे दनेगु घोषणा यानादीगु दु। वयकःनं पिकानादीगु प्रेस विज्ञप्तिइ धयादीगु दु, (एनआरएन) जपानया हनेबहपिँ सकल पासापिँन्तः दुनुगलँनिसेँ ज्वःजलपा । वइगु मे ४ तारिक आइतवाः झी सकसिगु उत्साहजनक सहभागिताय् जुइत्यंगु एनआरएन जपानया निकःगु राष्ट्रीय अधिवेशने ल्यइगु न्हूगु कार्यसमितिया कोषाध्यक्ष पदे जि सुवन् वज्राचार्यया उम्मेदवारी घोषणा थ्वहे प्रेस विज्ञप्तिँ औपचारिक याना च्वना।

मचाबले निसेँहे देसँ पिने हुर्के जूसाँ नेपाःमाँ, माँया सपुत काय् म्ह्याय् जिमि पासापिँ प्रति दूगु माया लोमंके मफुम्हँ छम्ह सपुत नेपाःमि जि, आःयागु भासँ धाःसा मचाबलेनिसेँयाम्हँ एनआरएन् । जिगु नाँ गुलिसितः “सुवर्ण” गुलिसितः “सुवन्” धका तायदु खनी। निम्हँ जिहे खः।

सन् १९९० या युवाबले जपान आगमन। International University of Japan या Graduate School of International Relations से अध्ययन। अनँलिपा, International Herald Tribune, Tokyo अफिसे ५ (न्या) दँया पत्रकारिता, तोःक्योः वाको विश्व विद्यालय, श्यूमे विश्व विद्यालय, कगवा महिला विश्व विद्यालये १२ (झिंनि) दँया अध्यापन, आः तोःक्योःया IRI (Investor Relations International) Inc. या डाइरेक्टरया ज्याक्वब्यूसे, जपानया मुख्य कम्पनिइ विदेसी लगानि दुतहेगु ज्याया प्रचार प्रसार कन्सेल्टन्सिइ संलग्न जुया दूगु अनुभवयातः प्रयोग याना, जपानवासी नेपाःमि पासापिनिगु धनार्जन द्वारा नेपालया आर्थिक विकासयात सहयोग यायेफइगु ज्याया लागी “लगानि कोष (Investment Fund)“ व जपानवासी नेपाःमितेतः आकस्मिक दुखयातः साथ बिये फइगु “आकस्मिक कोष (Emergency Fund)” या पलिस्था याना एनआरएन जपानयातः सफल यायेगु बिचाः याना च्वना। मे ४ या एनआरएन अधिवेशन् या न्हूगु कार्यसमितिया निर्वाचने कोषाध्यक्ष पदे सुवन् वज्राचार्य भाजु दनीगुलिँ, एनआरएन जपानया हनेबहःपिँ पासापिनिगु मूवंगु भोट् प्राप्त जुइगु भलासा दु धका विज्ञप्तिइ धायातःगु दु। लुमंके बहजू, वयकः जपाने नेपाःया सामाजिक, सांस्कृतिक् ख्यले नाँतयादीम्ह छम्ह नेवा खः।नेवाः अन्तर्राष्ट्रीय फोरम जपानया निवर्तमान महा सचिव, एनआइएफजे न्यूजलेटरया संस्थापक सम्पादक खः।

The Newah परिवारया पाखेँनँ जपानवासी सकल नेपाःमि पासापिन्तः दुनुगलँ इनाप याना च्वनाकि, झीगु सः दुथ्याकेफुम्ह छम्ह सबलम्ह पासा एनआरएन् जपानेनं दुत छोयेदुसा बाँलाइ। उकेँ छिकपिनिगु भोटँ तःधंगुहे गुहालि जुयेफु। छिगु मूवंगु भोट् झी सुवन् वज्राचार्य भाजुयातः बियादिसँ।
- झी The Newah