The Newah (नेपाल भासँ थःगु बिचाः प्वन्केगु हलिमे छगुहे जक नेवाः ब्लग् )

News

UML’s nominated leader in the Maoist led government, Bamdev Gautam (taking oath as Deputy Prime Minister and Home Minister, today) presided over an interaction programme on Sherpa autonomous region and Himalayan autonomous region organized in the capital by Nepal Loktantrik Sherpa Association yesterday. Among those opined on the subject of the need of creating a Himalayan autonomous region and a separate Sherpa autonomous region, Nepali Congress CA member Jip Chhiring Lama Sherpa said that despite different political and ideological background, the people in the area should build a Himalyan autonomous region as the language, religion and culture are similar to each other.

More in Nepal Bhasa

शेर्पा स्वायत्त प्रदेश व हिमाली स्वायत्त प्रदेशया अन्तर्कृया

नेपाल संवत ११२८ गुँलागा १३ (त्रयोदशी) शुक्रवाः

नेपाल लोकतन्त्रिक शेर्पा संघया ग्वसाले, शेर्पा सेवा केन्द्र गोन्पा, बौद्ध टुसाल, येँ, शेर्पा स्वायत्त प्रदेश र हिमाली स्वायत्त प्रदेशया बारे छगु औपचरिक अन्तर्कृया ज्याझ्वः जूगुदु। म्हिगः, न्हूम्हँ उपप्रधान मन्त्रि व गृहमन्त्रि (थउँ सपथ ग्रहन याइगु) बामदेव गौतम मूपाहाँ जुयादीगु ऊगु ज्याझ्वले, शेर्पा सभासदपिँ नापँ मेमेगु संघ संस्थाया प्रतिनिधितेसँ ब्वतिकागु दु। शेर्पा स्वायत्त प्रदेश व हिमाली स्वायत्त प्रदेश सम्बन्धि बक्ततेसँ थःथगु धारणा ब्यक्त यासे, जातीय भासिक समानताया आधारे शेर्पा स्वायत्त प्रदेस जक मखुसे हिमाली स्वायत्त प्रदेसहे कायमागुया बारे हिमालि प्रदेसवासी सकसितँ सहज जुइगु ढंगँ स्वायत्त राज्य दयेकेमागु खँय सहलह ब्याकल।

नेपाली काँग्रेस केन्द्रिय सदस्य व सभासद जीप छिरिङ् लामा शेर्पाँ, थउँया स्थितिइ न्ह्यागुँ राजनैतिक सिद्धान्त व पृष्ठभुमि दुसाँ, समान भास, धर्म व संस्कृति दुपिसँ, सकल हिमालीवासीत छथ्वःजुया हिमाली स्वायत्त प्रदेश पलिस्था यायेतः सकसिनं थःथःगु क्षेत्रँ पहल यायेमा धका धइदिल।

नेकपा एमालेया भातृ संघ नेपाल लोकतान्त्रिक शेर्पा संघँ १९(झिंगुंगू) जिल्लाया १२२(सच्छि व नीनिगु) गा बि स दुथ्यागु प्रस्तावित शेर्पा स्वायत्त प्रदेस, पुर्वे ताप्लेजुङ व पश्चिमे गणेश हिमालया फेदि, उत्तरे चीनया स्वशासित क्षेत्र सँदे (तिब्बत) व दक्षिणे लिम्बुवान, किराँत व तामसालिङ्साँगया सिमांकन समायोजन याना, प्रस्तावित अवधारणा व शेर्पा स्वायत्त प्रदेशया नक्सा तयार यायेधुंकूगु दु। अवधारणा पत्रे पुर्वँ ताप्लेजुङ् जिल्लाँ १८(झिंच्यागु) गा बि स, भोजपुरँ २६(नीखुगू), संखुवासभाँ १२(झिंनिगू) , तेह्राथुमँ ५(न्यागू), खोटाङगँ १२(झिंनिगू), सोलुखुम्बुँ २६(नीनिगू), ओखलढुङ्गाँ ११(झिंछंगू), रामेछापँ ७(न्हेगू) , दोलखाँ १४(झिंपेंगू), सिन्धुपाल्चोकँ १२(झिंनिगू), नुवाकोटँ ५(न्यागू) व रसुवाँ ८(च्यागू) गा बि स याना जम्मा १२२(सच्छि व नीनिगु) गा बि स यातः प्रस्तावित शेर्पा स्वायत्त प्रदेशया दुने दुथ्याकातःगु दु।

(थुखे शेर्पातयेसँ शेर्पा स्वायत्त प्रदेस जक मखुसे, छगु हिमाल छगु प्रदेस कायेतः माःगु पहलकथँ, प्रधान मन्त्रि जुइन्हवःहे, प्रचण्डयात नमुना संविधान लःल्हाये धुंकल धाःसा, उखे, मधेशितेसँ, नेपाःया राष्ट्रपति, उपराष्ट्रपति, विदेस मन्त्रि पद कया मधेशी जातियात न्ह्याय तःपूके फयेके बीफूगु जक मखु, थःगु जातिया अधिकार सुरक्षा व उत्थानया धिसिलाःगु पला न्ह्याके धुंकल। झी नेवाःतेसँ छुयायेफतले? बिचाः यायगु ई हे मदुगुलाकि, लाटाँ केरा स्वयाच्वँथे स्वयातुँ च्वनेगु हे न्ह्याइपुसे च्वँलाकि छुखः सीके बहजू। - The Newah)

किपाः सुभाय् - शेर्पा वःल्ड डटकम्
छिगु कमेन्ट् थन क्वसँया commentsसे च्वयादिसँ। कमेन्ट् छकः जक छोयाहइदीसा गाः। प्रकाशन यायेतः छुँभचा ई कायेफु।

Views
by Binod Saymi (Ala), Florida, USA

Summary
Many Newahs, as naturally as any one else living inside any capital of a country, boast of their habitation in and suburbs of Nepal’s capital city of Kathmandu inside the Nepal Mandala area where several Newah states existed before Prithvi Narayan Shah of Gorkha invaded and his descendants continued ruling present Nepal until April 2006 when the last king Gyanendra was dethroned by the Second mass uprisal against monarchy. But since the invation 240 years ago, native language, culture and heritage of Nepal Mandala have been destroyed to the extent that Newahs will have to fight for their survival in their own native land. Their mother tongue, Nepal Bhasa has been banned from government usage, no government school in that language (as a result, most of Newah teenagers of today do not speak their mother tongue, Nepal Bhasa any more), all local cultural assets are controlled by the government and even festivals are regulated. Ousiders have moved into the extent that no Native Newah getting elected from local electorates. Those who get elected raise no voices for the benefit of the language, culture and the area they have occupied “legally”. Binod Saymi, who has recently moved to Florida for his graduate studies looks into how and why this has happened and proposes solution to the problem in Nepal’s inspiring part of Nepal Mandala.
– The Newah

Full View in Nepal Bhasa
राजधानीं न्हुया पतिचिपिँ नेवाःत न्हना मवनेमा
(नेवाः अस्तित्व ल्यंकेतः आत्मनिर्णय व अग्राधिकार सहित जातिय स्वशासन)

ने.सं. ११२८ गुंलागा ५, बिहिवाः
नेपाःया छथ्वः आदिवासी जनजाति नेवाःत नेपाःया राजधानीया मू वासिन्दा जुइ दया न्हाय् तःपु जुइ। खः, “राजधानी” धैगु खँग्वःहे उजोगु गन सकसिया मिखा, पलाः न्हापाँ वनी। अएनं, २४० दँ तक्क पिनेँ वःपिसँ गुकथँ नेवाः नापं सकलेँ आदिवासी जनजाति, मधेसी, दलिततयेतः निगूगु तगिंया नागरिक कथँ हेपेयाना तल, व घाः गुलि हियु, गुलि स्याः, घाःलाःपिन्सँ जक स्यू, घाःयाःपिन्सँ थुइ मखु। नेपालमण्डलया येँ नेपाःया राजधानी, गुकीँ नेवाःयात पतिचिंक न्हुया जूगु तच्वःगु घाः नेवाःयाके दु। नेपाल मण्डलवासी नेवाः आदिवासी जनजातियात राजधानी लिक्कसं दया वःगु लवःया ल्याचाःतये मलायेकँहे नेवाःतयेतः राजधानीं न्हुया साउँ नापं चब्बूगु दु। थौं नेवाः थःगु अस्तित्व ल्यंकेत तकं संघर्ष याय् माःगु ई थ्यंक वल। नेवाः नेपालमण्डलं न्हना मवनेमाः।

नेपालमण्डलय् गैरनेवाःतये खुसिबाः
गोरखाया जुजु पृथ्वीनारायण शाहं (ने. सं. ८८८) सँ, नेपाल मण्डलयाता यात लाकाकाल। थ्व आक्रमण, पृथ्वीनारायणया नितिं वैगु जीवनया दकलय् तःधंगु विजय सावित जुलसा, नेपालमण्डलया नेवाःतयगु हाकुगु न्हिया घःचा उखुन्हु निसेँ हे तुल। झीगु राज्यत लाकाकाये धुंका पृथ्वीनारायणँ वैगु राज्य गोरखायात राजधानी मयासें नेपालमण्डलया येँ यात राजधानी यात। छाय् अथेयात? “खुँयाके तःता बुद्धि” धाइथेँ, नेपालमण्डल थाय् चकंगु, बाँलागु, सुसंस्कृत थाय् जूगु हुनि जक मखुसे, छहाः सासः ल्हाना थःगु अस्तित्व मालाच्वंने माःगु थौँया नेवाःतयेगु अवस्था, राजधानीं ल्हाना पतिचिपिँ नेवाःत नेपालमण्डलय् हे मालेमाःगु ई थ्यंगु खने बले खुँयाके तःता बुद्धि दूगु खँ उसिँ दना वः।

पृथ्वीनारायणं नेपाः लाकाकाये धुंकानं नेवाःतयेतः दुःख बीगु मत्वःतू। नेपालमण्डलया छेँ बुँ पृथ्वीनारायणं थः सहयोगीतयेतः सिरपाः कथं इनाबिल। थः मनूतयेतः वं नेपालमण्डलय् च्वं वयेतः उत्साहित यात। थुकथं ने.सं ८८८ निसें नेपालमण्डलय् नेवाःतयेगु थःगु राज्य मदयेवं छगू तःजिगु सुसंस्कृत नेवाः जातिया विकासय् खतँ नल। पृथ्वीनारायण शाह निसेंहे नेपालया शासक वर्गं नेपालमण्डलया येँयातः राजधानी यासें थः समर्थकतयेतः नेपालमण्डलय् तये हयेगु क्रम तःजियाना हल। थुकथं गैरनेवाःत नेपालमण्डलय् दुहां वयेगु ल्याः आपा जुया वल। बिज्ञानया विकास क्रम लिसेंलिसें झं तच्वया वःगु खनेदु। राजधानी दूगु हुनिं केन्द्रीकृत सरकार जूगु हुनिं साधन व स्रोत सम्पन्न थाय् जुया ब्यूगु हुनिं नेपालमण्डलय् च्वं वैपिं बर्खाया खुसिबाः दुहां वःथें दुहां वल। थौं तक झीसं चायेक चायेकँ थ्व ३० - ४० (स्वीदँ – पीदँ)या दुनेहेनं येँ , यल व ख्वप दुने जक स्वःसाँ न्हापाँ दुहाँवःपिँ अप्वःथेँ येँय् च्वन। वयां ल्यू येँ भचा थाय् मगाःथें च्वनेवं येँया लिक्कलाःगु यले च्वँवन। आः यलेनं यक्वथाय् मदुथेंजुयेवं पिनें दुहाँवःपिं मनूत आः ख्वप पाखेर न्ह्याः वनाच्वंगु दु।

धाये, सछिम्ह जक नेवाःत दु थाय् च्याम्ह झिम्ह गैरनेवाः च्वँवःसा, नेवाःतयेतः छुं गनं पाइमखु, नापं थासँनं फयेफै। आःला १३ लाख नेवाः जक दु थाय् १९ लाखः (तामाङ जाति त्वःता) गैरनेवाःत पिनें नेपालमण्डलय् च्वं वये धुंकल। थौंया बागमतीया अवस्था व नेवाः झीगु, नेपालमण्डलया अवस्था पायेछि उथें खने दया वः। बागमतीइ नं भचा भचा उगुथुगुं ल्वाकज्या तले बागमतीया वातावरण मस्यँसे बागमती हे जुयाच्वनी। तर बागमतीया खुसिया लः सिबे अप्व हे फोहर, धः, चःबिया लः बागमतीइ क्वफायेवं बागमतीया वातावरण गथे जुयाच्वन झी सकसिनं थौं खनाच्वनागु हे दु।

नेपालमण्डलय् नेवाः अल्पमतय्
झीगु देःसे, जनसंख्याया ल्याखं स्वयेबलय् जातजाति कथं क्षेत्री वयांल्यू ब्रम्हुत आपाः खने दुसाँ, उपिँ निगुजातं स्वाःसां नेपाःया मुक्कँ जनसंख्याया २८ प्रतिशत जक दु। थुकथं ३० प्रतिशत स्वया म्हो मनूतयेसँ नेपाःया ७० प्रतिशत स्वया अप्व आदिवासी जनजाति, दलित व मधेसीतयेतः थौंतक शासन याःगु यातं। झी आदिवासी जनजाति, दलित व मधेसीतयेतः चिचिधंगु पुचः पुचः जूगुलिं व माःहनाः दने मफुगुलिंनं, उमिसं अथे झीतः शासन याये फूगु खः। नेपाःया जनसंख्याय् झी नेवाःत ५.५% जक दु। थथे धाये बलय् धाय् १००म्ह नेवाः नेपालय् दूसा ५१५म्ह क्षेत्री व ब्रम्हुत नेपालय् दु। १००म्ह नेवाः मध्ये नं ६६म्ह नेवाःत जक नेपालमण्डलये च्वनाच्वंगु दनी। आः ६६म्ह नेवाः च्वनाच्वंगु नेपालमण्डलय् ५१५म्ह क्षेत्री व ब्रम्हुत मध्ये ६७म्ह (मुक्कं क्षेत्री व ब्रम्हुया १२.७%) जक नेपालमण्डलय् च्वँवःसां इमिगु बहुमत जुइगु पक्का हे जुइ धुंकल। (थन क्षेत्री व ब्रम्हुत बाहेक मेगु जातजाति दुहां वःगु ल्याचा यानागु मदुनि। छाय् धाःसा मेगु जातजाति दुहाँवया नेवाःयात गुगुँ क्वतेलेगु ज्या याःगु मदु, व नेवाः स्वयाः इपिँ अप्वः जूवःगुनं मदु।) थुकथं राजधानी येँ जूगु हुनिंनं, गुलि राजधानिया विकाश जुल, व क्रम लिसेलिसें नेपालमण्डलया नेवाःतनं उलि हे ल्याखं याकनं याकनं अल्पमतय् लाः वनाच्वंगु दु। झीसं चायेकचायेकँ थ्व हे ३०दँया दुनेहेनं गुलि अस्तब्यस्तगु छेँ दना हल। उलिं मगाना सुकुम्वासीया नामय् खुसि सिथय् गुलि थायबाय् इना बिल। (सुकुम्वासीया नामय् नेपालमण्डलया थाय् बाय् छाय् इनाबिल धैगु खँय् अध्ययन यायेमाःगु खनेदया वःगु दु।) नेपालमण्डलय् अस्तब्यस्त छे दंके बीगु, खुसि सिथया थाय् बाय् दक्वं इना बीगु नेवाःया इच्छा मखु।

थौं नेपालमण्डलय् नेवाः माले माःगु अवस्था थ्यनाच्वंगु दु। थौं नेवाःतयेगु छगू छेँजः दुसाः जःखः पिनें च्वँवया च्वँपिनिगु स्वंगू प्येंगू छेजः जुइ धुंकल। नेपालमण्डलय् आखः ब्वनेत दुहां वःपिं जुइमा, बाय् ज्यायायेत, ज्या मालेत, सुबिधाया निति च्वँवःपिं न्ह्याम्ह जुइमा, चुम्बकं साला तःथें सुं हानं लिहांमवं। थन वयेवं थनहे छेँ दयेकल। थन हे भोट कुर्केगु नाँ धलखय् इमि थःगु नां नं दुथ्याकल। चुनाबय् इपिँ हे दन। चुनावयनं इमिसं हे त्याके फइगु तकं नेपालमण्डलय् नेवाः स्वया गैरनेवाःत अप्वः जुइधुकल। थनया आदिवासी धाःपिं नेवाः अल्पमतय् लाःवने धुंकल। झीपिँला छूँ याये मफुपिँ, निरीह प्राणी जुया पुलुपुलु स्वयाच्वनेमाला वयेधुंकल। थुकथं नेपालमण्डलय् चुनाव त्याकीपिँ न्ह्यागु पार्टियापिं जुइमा दक्व दक्व धैथें व हे खय् ब्रम्हुत जक। अथे धैगु झीगु नेपालमण्डलय् नेवाःयात शासन याइपिं न्ह्याबलेँहे खय् ब्रम्हुत हे जुया च्वन। थज्यागुहे लकस खय् ब्रम्हुतयसं मेगु जनजाति, मधेसीतयेगु थासेनं दयेकातःगु दु।

नेपालमण्डल न्ह्यंगु थौंया मध्यमाञ्चल बिकाश क्षेत्रया १२ गु जिल्लाया नेवाः लागाँ चुनाव त्याका वःपिँ कांग्रेस, कम्युनिष्ट न्ह्यगु पार्टिया थजुइमा आदिवासी जनजातितयेगु नितिं सिन्का छपूनं गबलें त्वःथुगु मदु। बरु झीतः लिखतं लाकामं च्वाःना च्वंगु दु। नेपालमण्डलं तःतःधं धाःपिं कांग्रेस, कम्युनिष्ट नेतात त्याना वल अथेसाँ अहं नेपालमण्डलया आदिवासी जनजाति नेवाःतयेगु गबलें च्युता काःगु मदु। अझ झीतः जाति, भास, धर्मया समान अधिकारया खँ ल्हाये मदु, छिपिँ साम्प्रदाइक तत्व धकाः म्वाय् चुइका हइ। थुकथं थुपिं पार्टितयेसँ झीतः छ्येलेगु सिबें छुँ याःगु मदु। नेवाःत, पार्टिया चुनाव प्रचारयनं, पार्टिं चुनाव त्याकू थासेनं धिम्हे, धाः, नाय् खीँ थाः वनेगु , जुजुया बुन्हि धाल अननं खेँ धौ सगँ ज्वना लायकुलिइ समेबजि छाः वनेगु थुजोगु ज्याय् का छ्यला तल। आदिवासी जनजाति मधेसीतयेगु अधिकारया खँ ल्हाना ज्यानं याना बिइपिं छूनं पार्टि मदु। नेपाली कांग्रेसला जाति, भास, धर्म आदि आदिया खँ ल्हायेगु धालकिहे ताप जुइधुंकि। नेपाली कांग्रेसया बःतकँ जातजाति, भासभासीतयेतः मदु। एमाले जुलं खः खः का, सकसितं समानता दयेमा धकाः सकलें जातजाती भासभासीतयेतः बल्छिँ न्या क्यंकुथें क्यंकाः पकापक न्या लाना नइपिँ। थुपिँ एमालेला झनहे ग्यानापुपिँ। पिचुगु खँ ल्हाना मुलय् कया गः कीपिँ। आः ल्यंदनी माओवादी, थुमिसं छु याइ स्वये अझं ल्यँदनी।

थन छताः खँ लुमँसे वल। अथेहे स्वदँति न्ह्यवः जुइमाः, देश आः विकेन्द्रीकरणय् वनेमाः धैगु खँ जुयाच्वँबले छम्ह ब्रम्हु पासां धाःगु खँ, “बिकेन्द्रीकरण खोजे दिइ दिने नी, नेवारले असन भित्र राज गरी बस्छ, असन भित्रै रमाउन्छ। असन भन्दा बाहिरत हाम्रै बहुमत छ नी।” हः पायछि थुजोगु हे ब्यबहार यायेगु व याना वयाःच्वंगु स्वयाच्वंगु दु थौंतकया कांग्रेस कम्युनिष्ट धाःगु पार्टितयेसँ। थुकथं झी थःगु नेपालमण्डलय् अल्पमतय् लालाँ वनेगु खःसा कन्हे असनय् तकं नेवाःनं चुनाव त्याकी धका धाये फैमखु।

चुनाव त्याका वःपिँ पार्टिया मनूतयेगु पहः नं झीसं यक्व स्वये धुन। घ्यःथें नायूगु खँ ल्हासाँ, खय् ब्रम्हुतयेसँला झीथें जापिं जातजातिया भीँ ला याइहे मखु। थ्वला त्वता छ्वये धाये, कांग्रेस कम्युनिष्ट पार्टिं त्याना वःपिँ नेवाःतयसंनं जातजातिया समान अधिकारया ज्याखँ याइ धका भलसा काये थाकू। छायधाःसा इपिँला पार्टिं निर्देशीत नेवाःत जुल। थथे् नेवाः घाः थुम्ह नेताः जुइतला नेवाः ज्याकःमि जुया ज्या याना जुम्ह हे जुसा तिनि सना हाला जुइ। थौंतकया नेपाःया नेतातयेगु चहःपहः सकसिनं खनाच्वंगु थ्व हे खः। न्ह्यागु थजुइमा आःइलं फःपुले धुंकूगु दु, न्ह्याम्ह न्ह्याथाय् न्ह्यगु पार्टियाम्ह नेवाः जूसां आःथःगु भूमिया नितिं जायेगु ई थ्यंक वःगु दु।

पृथ्वीनारायण शाहनं झीगु नेपालमण्डल लाका काःसां निसें झीगु नेपालमण्डलय् नेवाः शासन सत्ता मदु, झीत सदां खय् ब्रम्हुबादं शासन यानाच्वन। थौंतकया अवस्था थ्यं बलय् नेपालमण्डलय् नेवाः स्वयां अप्व पिने नं वःपिं गैरनेवाः दयेके धुंकगु अवस्थाय् नेवाः नं थौं थःगु अस्तित्व ल्यंकेत तकं संघर्ष यायेमाःगु जुया वल। तःधिकःम्ह न्यां चिधिकम्ह न्या नइथें, थौं झीगु भाय् नया बिल, कन्हे संस्कृति नइ, उलिजक मखु झीगु जाति हे नया छ्वयेत सनाच्वन। थ्व इलय् नेपालमण्डलय् गैरनेवाःत स्थाई बसोवासया नितिं दुहां वइगु निरन्तरतायात याकनं त्वाल्हाये मफत धाःसा कन्हे नेपालमण्डलय् नेवाः माले माःलीगु ई वइ तिनी। गथेकि अमेरिकाया मू आदिवासी रेड इन्डियन खः, अमेरिका धैगु देस लुइकूगु हेनं न्यासः दँ तिनि दत, अथेसाँ थ्वहे न्यासः दँया दुनेनं अमेरिकाय् रेड इन्डियन माले माःगु ई वये धुन्कल। राज्य सत्ताय्, प्रशासनय् उमिगु ल्हाः गन दु मालेमाः। थुकथं हे राजधानीं न्हुया पतिचिंपिं नेपालमण्डलया नेवाः जाति बिनाश जुजुँ वयाच्वंगु चायेके। राजधानिया, विकाश क्रम गुलि याकनं याकनं च्वन्ह्याना वल उलिं हे ल्याखय् गैरनेवाःतयेगु खुसिबा दुहां वया नेवाः थःगु भूमिई अल्पमतय् ला ववं जाति हे बिनाश जुइथें जाःगु ग्यानापुगु अवस्थाय् साला यंकातःगु दु। उकें, राजधानी दूगु थाय् “नेपालमण्डल” धकाः ग्वाय् पुयाच्वनेगु नापँ, राजधानी जूगुया ल्याखं गुलि अप्वः ल्याखय् नेवाः अस्तित्वय् संकट वल धैगुनं वाः चायेके।

नेवाः अस्तित्वय् संकट
‌* गुलि ल्याखय् नेपालमण्डलय् खय् ब्रम्हु अप्वः दुहां वल उलि हे ल्याखय् नेपालमण्डलय् उमिसं खय् ब्रम्हुवाद झीत क्वचिना हइच्वन।
* नेपालमण्डलय् चुनाव त्याकिपिं खय् ब्रम्हुत जुया वल।
* खय् ब्रम्हुवाद तच्वकं बयबय् जूगु हुनिं झी यक्वस्यांनं थःथःगु मां भाय् ल्हायेगु त्वताः हल।
* नेवाःनं थःगु नेपालमण्डलय् नेवाः माले माःगु अवस्था वल।
* नेपालमण्डलय् नेवाः धस्वाक दने मफया वल।
* नेपालमण्डलय् नेवाः स्वया खय् ब्रम्हु अप्वः जुया नेवाः अस्तित्वय् संकट वल।

मुक्कं ५.५%जक दुपिं झी नेवाः जाति, अले नेवाः स्वया अप्वः खय् ब्रम्हुत नेपालमण्डलय् च्वं वःगु अवस्थाय् व छपाः भोटं त्याइ बुइ जुइगु चुनावय् नेवाःतयेसँ नेपालमण्डलय् थःगु अस्तित्व गथे ल्यंके फै। अथेयायेतः छु यायेमा धकाः आः हे बिचा यायेमाः। दुग्यंक बिचाः यायेमाःगु ई वये धुंकल।

आत्मनिर्णय व अग्राधिकार सहित जाति, भासीक व क्षेत्रीया स्वशासन
झीसं नेपाःया बिभिन्न ईया शासकतयेगु क्षेत्र, अञ्चल, जिल्ला विभाजननं स्वयेधुन, २४० दँया शाहतयेगु राज्य काल - राणा, पञ्चायत नापं बहुदलीय प्रजान्तन्त्रनं स्वयेधुन। अहं गबलेंनं नेपाः देय् सकलें जातजाति, भासाभासी व धर्मया दे मजूनि। थौं सकलें नेपाःमिपिन्सं नेपाः जिमिगुनं खः धका सकसियां नुगलय् स्वचाकेगु आः संघिय लोकतांन्त्रीक गणतन्त्र नेपालय् आत्मनिर्णय व अग्राधिकार सहित जाति, भासीक व क्षेत्रीया स्वशासन हे जक छगू धिसि लाःगु पलाः दनि। नेवाः नं थःगु आदिभुमि नेपालमण्डलय् थःत ल्यंकेत आः संघिय लोकतांन्त्रीक गणतन्त्र नेपालय् आत्मनिर्णय व अग्राधिकार सहित जातिय स्वशासन दुने नेपालमण्डल प्रदेश दयेका जक नेवाः नं अस्तित्व ल्यके फैगु जक विकल्प दनि। महेन्द्रंथें ७५ जिल्ला वर्गिकरणया नामय् सकलें जातजातितयेतः उमिगु भूमिइ फयांफछि अल्पमतय् तया छ्यालब्याल याथें याना देय् थहां वने फैमखु धैगुला सकसिनं थुइका हे काःगु दु। अथेतुं हे पञ्चायतया न्यागु विकाश क्षेत्र थें हिमाल, पहाड, व तराइ ल्वाक छ्याना प्रदेश दयेकेगु नं जातजातितये उपिं छथाय् मतसें कुचा थलेगु कुतः खः। थुजोगु प्रदेश न्हुगु नेपालय् दयेकेगु कुत यात धाःसा झी नेवाः जक मखु गुगुं आदिवासी जनजाति, मधेसीत थःगु भूमिइ मुक्तगु सासः ल्हाये खनीगु आस याये थाय दइमखु। हाकनं छक न्हु कथंया खय् ब्रम्हुवादं सकल जातजातियात राज याइगु चक्र ब्युहलय् तक्यंकेफु।

क्वचाखँ
नेपाःया संघात्मक राज्यया दुने प्रादेशीक विभाजनया मू आधार धयागु आत्म निर्णय व अग्राधिकार सहितया जाति, भास व क्षेत्रीय स्वशासनं जक न्हूगु नेपाः जुइफै। नापं थुगु न्हूगु नेपालया “नेपालमण्डल” नेवाः प्रदेशं जक नेवाः नं थःत वयाच्वंगु अस्तित्वया संकटं तापाके फै। थुकथं हे सकल नेपाःमि पिन्सं थःथःगु आदि भुमिइ थःगु म्हसिका ल्यंके फै।

बहुजाति, बहुभास व बहुधार्मिक देय् नेपालय् हाकनं छकः महेन्द्रं थें सकल जातजातियात छ्यालब्यालयाना कुचाकुचा यायेत ७५ जिल्ला दयेकुथें हिमाल पहाड व तराई ल्वाकछ्याना प्रदेश दयेकल धाःसा वा उजोगु हे गूकथँया ग्वसाः ग्वल धाःसा, नेपाःया नितिं हानं छगु तःधंगु हे दुर्भाग्य जुइफु।
- बिनोद सायमि (आल)
- gibinod@yahoo.com

छिगु कमेन्ट् च्वयेतः थन क्वसँया comments सँ क्लिक याना दिसँ। ब्यक्तिगत पौ बिनोद जुयागु ईमेःले तप्यंक छ्वया दिसँ। नापँ छिगु बिचाः (च्वसू, चिनाखँ इत्यादी) यातनं लसकुस दु। माःगु सम्पादन थनँ जुइ।

A special show of Bhintuna, a Nepal Bhasa comedy film subtitled in English－awarded “Critics, The Best film Award” in the Nepal International Indigenous Film Festival ‘08－will be screened at Russian Culture Centre, Kamal Pukhu, Kathmandu this Saturday (23 Aug.2008) at 10:30 am, 12:30 pm & 2:30 pm. As seats are limited, the organisers request us to confirm seats by this Wedday (20th). For further detail, contact: Sunita Rajbhandari Shrestha 98-4126-1477 (For NTC users); 98-0360-4702 (For Mero mobile users)
Ticket price has been fixed for Rs. 200/- with Tuchcha (Samyabaji & Cold Drink).

दकले न्ह्यलुवाः प्याखँकथँ एवार्ड काःगु भिन्तुनाया विशेष शो

हसू पुचःया ग्वसालय् विष्णु सक्वया न्ह्यब्वया, नेपाल भास सँकिपाः भिन्तुना
थ्वहे शनिवाः (ने सं ११२८ गुँलागा ७ (सप्तमी) कुन्हु रशियन साँस्कृतिक केन्द्रे केनीगु दु। च्वमि व निर्देशक – आर्यम नकःमि, निर्माता – हसू पुचः , नगिना जोशी, सुनिता राजभन्डारी श्रेष्ठ; किपा व सम्पादन – सोहन मानन्धर; प्याखँ म्वः – राजु महर्जन जुजु, रेश्मी महर्जन, रेमा महर्जन नापँ मदन दास श्रेष्ठ, नगिना जोशी व ह्रदय प्रसाद मिश्र।

स्व. परमानन्द वज्राचार्य भाजुया “गोंगःया छ्यँ” धैगु लोककथाया आधारे दयेकाःतःगु थ्व प्याखँ, बिहायायधुन्कूसा मचादयेके मसया धन्ना जुयाच्वँपिँ निम्हतिपू जक मखुसे भौमचाया माँअबुयानं मचादयेके मफुम्ह मिसाया माँअबु धका गिजे याका च्वनेमागु स्थिति सँकिपानं न्ह्यब्वया तःगु, छिसँ स्वसा जक न्ह्याइपुइगु स्टोरि खः। “Believe but not depend on the god” धैगु थीमे देकातःगु थ्व सँकिपा छिसँ मिस् यायबह मजू। सुनिता राजभन्डारी श्रेष्ठ, निर्माताया दुजः व ल्यूनिर्देशक मयजुँ जिमितः छ्वयाहइदीगु अंग्रेजि भासया मेःले अथे धयातःगु दु। छिकपिनिगु सहभागीत्वय् , थ्व भिन्तुना सँकिपाःया विशेष शो सफल जुयेमा धका झी The Newah या पाखेँ भिन्तुना दु।

Nepal’s great comedian, Rajaram Poudyal will be in Maryland to perform in an evening presented by Team 8848 on September 07 (Sunday) at St. Joseph Parish, 8420, Belair Road, MD, 21236. The bound-to-be-hilarious evening will be joined by our multi-nationality artists - Prem Raja Mahat, Ratan Subedi, Rachana Singh, Rabi Lamichhane, Narayan Tripathi, Sreejan Tamrakar and Karna Das, Music by Raju Lama and DJ Kapil. One complete entertainment night with great tasty Nepali food, bar and many more.

For contacts and further information:-
Rajaram Poudyal - 703-725-0349;
Rajesh Shrestha - 703-999-6477;
Prema Raja Mahat - 410-916-4237;
Shreejan Tamrakar - 917-345-6330;
Sanjeep Pradhan - 646-934-0581;
Rabi Lamichhane - 443-742-1524;
Raju Lama - 443-600-0580;
Gautam Dahal - 410-908-8744;
DJ Kapil - 410-303-9995

Direction

The Newah requests (specially our pasapin in Maryland and around of ) your presence at St. Joseph Parish to support Nepal’s great comedian Rajaram Poudyal and Team 8848 led by Shreejan Tamrakar and enjoy their performance.

Newah Forum Leader analyses the unattended Nepali indigenous problem
The Ambassador stresses the need to address the problem in advance

News in brief
Presenting a paper on “Indigenous people’s rights” at the World Indigenous Peoples’ day gathering in Tokyo on Saturday, the chief guest speaker, former MP, Human rights activist and Newah National Forum President Malla K. Sundar analysed the complicated indigenous problem of Nepal and explained that thanks to United Nations’ efforts, indigenous peoples’ problems are being addressed in Nepal at a gradual pace. The government has been showing interest on the problem but solutions are not forthcoming as early as expected. Speaking of core problem of Nepal, the Human rights activist pointed out that “despite Nepal has a 38% percent Indigenous peoples and 33% other people in this highly plural society, a group of Bahun-Chetri of only 29% has ruled this country for a long period. Indigenous people have been facing domination, discrimination and deprivation at the hands of the autocratic rulers and their administrations. These are the challenges the new constitution to be drafted soon should address to resolve the difficulties of major sections of Nepali population, he reiterated.

Speaking at the same programme, Nepal Ambassador for Japan, Dr. Ganesh Yonjan Tamang commended the dedication of human rights activists in Nepal in the struggle of liberty for indigenous people of Nepal. The anthropology expert turned Ambassador stressed that problems must be addressed in advance before they are too late to handle. Nepal is a plural society of 102 nationalities, who have distinct identity of language, culture and religion. The state must promote and preserve them. If not, they will be endangered. He also expressed hopes that a new able government will be formed sooner to solve the problems of Nepal and its citizens facing.

Full story in Nepal Bhasa.

तोःक्योः शहरे विश्व आदिवासी न्हि हन

नेपाल सम्वत ११२८ गुँलाथ्व १० (दशमि) सोमवाः
हलिमया ३५ करोड आदिवासी जनसमूहया मानव अधिकार, माँभास, संस्कृति व आदिवासस्थानया संवर्धन व संरक्षणया लागी संयुक्त राष्ट्र संघं घोषिणा यानातःगु विश्व आदिवासी न्हि, तोःक्योः शहरे “विश्व आदिवासी न्हि – नेपाःया संदर्भे” कार्यपत्र प्रस्तूति व अन्तर्कृया ज्याझ्व नापँ क्वाति भोयया आयोजन याना शनिवार कुन्हु हन।

भूतपुर्व माननीय संसद, मानव अधिकारकर्मि एवं नेवाः देः दबूया नायः मल्ल के सुन्दर मूपाहाँकथँ व जपानया लागी नेपाल राज्यदूत महामहिम डा. गनेश योञ्जन तामाङ विशेष पाहाँकथँ न्ह्याकूगु थ्व ज्याझ्वः, नेवाः अन्तर्राष्ट्रीय फोरम जपानया ग्वसाले व नेपाली आदिवासी संघ जपान, नेपाली समाज जपान, हतेमालो सोसाइटि, एनआरएन जपान, तमुधी जपान व थकालि सेवा समितिया सहसंयोजने तोःक्योःया जाइका ग्लोबल् प्लाजाये सम्पन्न जूगु खः।

जपाने दूगु थीथीगु नेपाली संघ संस्थाते प्रतिनिधितेगु उपस्थिति दूगु थ्व ज्याझ्वे, “आदिवासी अधिकार” या बारे कार्यपत्र न्ह्यथनादिसे, पूर्वसंसद मल्लँ, “हलिमे उत्तरँ दक्षिण व पूर्वँ पश्चिम आदिकाल निसेँ बसोबास याना वइच्वँपिँ जनसमुदाययातः, राज्यया संरक्षण मदूगु, राज्यद्वारा उपेक्षित यायेगु ज्याँयाना जनसमूहया लोप जुयावनीगु सम्भावना दूगुललँ यूएनँ थथे विश्व आदिवासी न्हि हने यानाहःगु खः” धै दिसे नेपाःया संदर्भे आदिवासि न्हि व थःपिनिगु राज्यद्वारा संरक्षण कायेमफुसे, उपेक्षित जुयाच्वँपिँ नेपाःया थीथी आदिवासी जनजातिया बारे, इमिगु समस्या व समाधानया लँपुया बारे विस्तृतरूपँ खँ कनादिल। १०२ गु जनसमुदाय दूगु नेपाले ५९ गु समुदायया आदिवासी जनजातितेःगु जनसंख्या ३८% दुसाँ, २९%या बर्मू-क्षेत्रि वर्गद्वारा शासित याःगु कारणँ, पृथक विशिष्ट संस्कृति, भास व धार्मिक परम्परा दूगु आदिवासी नेपाःमि जनजातियातः राज्यँ धर्म, संस्कृति, परम्परा व भासाया आधारे विभेद यानातःगु सत्यत व ‘जातीय स्वायत्तता व आत्मनिर्णयया अधिकार, स्वाधीन व समृद्ध नेपाःया आधार’ धैगु नाराया नापँ विश्व आदिवासी न्हिया ग्वसाः या शुरुवातया बारे कार्यपत्रे विश्लेषण यानदिसे, आः देःकीगु न्हूँ संविधानँ थुज्वःगु चुनौतिया सम्बोधन जुइमागु खँय् जोड बिया दिल।

विशेष पाहाँया आसनँ थःगु मन्तव्य तइदिसे, राज्यदूत तामाङगँ, जनजातिया सः थंगु आन्दोलनया इतिहास व थःगु अनुभूतियाबारे खँकनादिसे, “नेपाःया आदिवासी जनजातितेःगु सः पिने थ्वयेकूपिँ नायःते दथुइ पद्मरत्न तुलाधर, मल्ल के सुन्दरपिँ अगुवापिँ खः । पद्मरत्न तुलाधरँ पुलिस लट्ठि समेत नयेमाल। थुज्वःगु यातनाँ दनावःगु जनजाति समुदायतेतः न्यनेगु मयाःगुसा, नेपाः थउँ गन थ्यन जुइ? १०२ जातितेः क्यब, इमिगु संस्कृतिया जगेर्ना राज्यँ यायेमाः” धका धैदिसे आदिवासी जनजातिया सवालयात इलेहे सम्बोधन यायमागु खँयात जोड याना दिल। “संवृद्ध नेपाःया निर्माण सकसिगु इच्छा, मान्डेट दुसाँहे, स्वलात्याहे बिनावने धुंकूसाँहे आःतक्क न्हूँगु सरकार दयेकेफूगु मखुनि। सरकार बिहिनया कारणँ, अराजकताया खँ, अपहरण थेँ जाःगु यातनात जुयाच्वंगुदु। गणतान्त्रिक नेपाःया प्रधानमन्त्रि, राष्ट्रपतिया भ्रमण मिलेजूगु मखुनि। दुखया हुनी खः, गबले थ्व खँ रियलाईज् याइगु। थुज्वःगु खँया आवश्यकतायातः थुइके फूगु न्हूँगु सरकार निर्माण जुइगु आस, मल्लजु नेपाके लिथ्यना निन्हुस्वन्हुँ हे सफल जुइमा” धका कामना याना दिल।

मन्तव्य बीगुक्रमे, आयोजक एवं सहसंयोजन संस्थाया प्रतिनिधितेसँनं थःथःगु मन्तव्य तइद्यूगु खः। एनआरएन जपानया पाखेँ, विश्व आदिवासी न्हिया सफलता प्रार्थना याना दिसे, नायः भवन भट्टँ, अफ्रिकाय् बूपिँ मननूनँ परिवार देकल, परिवारँ समाज दत, समाजँ राज्य दयावल। उकेँ सुच्वय्, सुक्वय् धका मधाःसे झी सकसिगु हितया ज्या यायेमाः धका धइदिल।

नेवाः अन्तर्राष्ट्रीय फोरम जपानया पाखेँ, पूर्व मूछ्यान्जे सुवन् वज्राचार्यँ जपानवासी झी नेपाःमि छम्हछम्हेसिनं वँ वया भास संस्कृतिया पृष्ठभुमि बारे परिचित जुया वँ वया प्रति सद्भाव यासे, आदिवासी जनजातिया जक मखुसे जपानवासी झी सकल नेपाःमिया एकता शक्तिशालि जुयावइ। अले झीगु सःयात सुँ सरकारँहे नकार यायेफइमखू। थ्वहे विश्व आदिवासी न्हिया मू खः धका धइदिल।

संयुक्त लोकतान्त्रिक गणतान्त्रिक मंच जपानया प्रतिनिधि शखर भन्डारीँ जनजातिया सवाले सः तयावइच्वँपिँ नेकपा माओवादिया सरकार निर्माणजूसा नेपाःमि जनजातिया उत्थान जुइ। अथेसाँ थउँ कन्हे सरकार देकेगु क्रमे गुगुँ पार्टितेसँ, म्वाँमदुगु बाधात थना हइच्वंगु खँ कनादिल। थकालि सेवा समितिया दीपक गौचनँ, आदिवासीतेतः राज्यँ छु गुज्वःगु सुविधा बीमागुखँये जोड बिया दिल।

मन्तव्य बीगु लिपा, न्ह्यसःलिसःया जुल। थुकी, रविन शाक्य, सुवन् वज्राचार्य, दिनेश गुरुङ, राजिव श्रेष्ठ पिसँ तःगु न्ह्यसःया लिसः मूपाहाँ व विशेष पाहाँनँ बियादीगु खः।

सहसंयोजन संस्था हतेमालो सोसाइटिया पुर्वनायः सुकुमान थिं तामाङया संचालन व आयोजक संस्था, नेवाः अन्तर्राष्ट्रीय फोरम जपानया मूछ्यान्जे डा. दिनेश मानन्धरँ विश्व आदिवासी न्हिया म्हसिका व लसकुस न्वचूलँ न्ह्याःगु थ्व ज्याझ्वया सुभाय् , फोरमया सल्लाहकार डा. रामध्वज श्रेष्ठँ यानादीगु खःसा, सभाविसर्जन ज्ञाणु मानन्धर नकीँनँ यानादीगु खः। विश्व आदिवासी न्हिया लसताय् उकुन्हु न्हिने वासेदाया धर्म रेष्टुराँले नेवाः परिकार नापँ क्वाति भोयलेः नेवाःदेःदबुका अध्यक्ष मल्ल व नेपाल राज्यदूतया धर्मपत्नि, राज्यदूत परिवार नापँ मिसा, मस्त दुथ्याःगु आपालँ नेपाःमिपिसँ ब्वतिकइ दिल।

छिगु कमेन्ट्, सल्ला अले थ्व च्वसुली दुथ्यागु खँ, मिले जूमजू स्वया सम्पादनहे छिसँ यानादीफु। अथे यायेतः थन क्वसँ च्वंगु comments से दुहाँ झासँ। छिगु कमेन्ट्, सल्ला, सम्पादन छकः जक च्वयादीसा गाः। पोष्ट यायेतः छुँभचा ईकायेफु। सुभाय् !
- The Newah

News in brief
Nepal’s indigenous leader and former Member of Parliament, Malla K. Sundar joins Nepal Ambassador to Japan Dr. Ganesh Yonjan Tamang to preside over celebrations to be held in connection with the International Day of World’s Indigenous Peoples in Tokyo and Aichi prefecture in Japan this weekend. Mr. Malla, a noted human rights activist, who is also the President of Nepal’s federation of Newah nationalities, the Newah National Forum, will preside the celebration to be held at JICA Global Plaza in Tokyo on 9th Saturday. The celebration in Tokyo is being organized by Newah International Forum Japan (NIFJ) with Nepali Indigenous Nationalities Association in Japan (NINAJ), Nepalese Society in Japan, Hatemalo Society, Tamudhi Japan and NRN Japan as co-organisers while Dr. Tamang will preside the celebration at Ekaku Hall in Toyoda city, Aichi, being organised by the NINAJ on the 10th. Detail can be obtained from NIFJ office 03-3311-6475 or nifj@hotmail.co.jp and info@adibasinepal.com.

Meanwhile an email dispatch we have received states that “the United Nations rural development arm announced (9 May 2008) that it is providing $4 million towards a project that aims to tackle the exclusion of groups such as women, dalits and indigenous peoples in rural communities in Nepal.” (UN News).

Full Story in Nepal Bhasa
जपाने जुइगु “विश्व आदिवासि न्हि” ज्याझ्वय् मल्ल के. सुन्दर व गणेश योञ्जन तामाङ मूपाहाँ

नेपाल संवत ११२८ गुँलाथ्व ४ मंगलचौथि
हलिमे सकभनँया आदिवासीतयेगु अधिकार, संरक्षण व उत्थान यायेगु उद्देश्य कया, संयुक्त राष्ट्र संघं थनी १४दँ न्ह्यवः (सन् १९९३ अःगष्ट ९ तारिक) घोषणा यानातःगु विश्व आदिवासि न्हि, थुगुसीनँ अगष्ट ९ तारिकया शनिवाः कुन्हु, हलिमे थायथासय् हनीगु दु। थ्वहे लसताय्, जपानया तोःक्योः शहरे व अइचि प्रिफेक्चरे नेवाःदेःदबूया नायः मल्ल के. सुन्दर व जपाने नेपाःयाम्ह राज्यदूत डा. गणेश योञ्जन तामाङ भाजुपिँ मूपाहाँकथँ विश्व आदिवासि न्हि, झःझः धायेक हनीगु दु।

अःगस्ट ९ तारिकया शनिवाः कुन्हु, तोःक्योः शहरया हिरोः (त्वाः) या जाइका ग्लोःबल् प्लाजाय् हनीगु बिश्व आदिवासि न्हिया ज्याझ्वले नेपाःया पूर्व माननीय संसद, मानव अधिकारकर्मि नेवाःदेःदबूया नायः मल्ल के. सुन्दर भाजु मुपाहाँ जुयादिइगु खःसा राज्यदूत डा. गणेश योञ्जन तामाङ भाजु विशेष पाहाँ जुया दिइ। न्हिनसिया ४(पे)ता इलँनिसे न्ह्याकीगु थ्व ज्याझ्वले, मल्ल नायःभाजुँ “आदिवासि अधिकार” सम्बन्धि कार्यपत्र न्ह्यथना दिइगु दु। डा. तामाङ राज्यदूत भाजुया मन्तब्य नापँ सहसंयोजक नेपाली संघया प्रतिनिधिपिसँनं नवाइगु दुसा, न्ह्यसःलिसःया अन्तर्कृयानं दुथ्याका तःगु दु। नेवाः अन्तर्राष्ट्रीय फोरम जपानया ग्वसाले तोःक्योः शहरे जुइगु थ्व ज्याझ्वः, जपाने कृयाशिल मेमेगु संस्थात, नेपाली आदिवासि जनजाति संघ, नेपाली संगठन जपान, हातेमालो सोसाईटी, तमुधीँ जपान व एन आर एन जपानयागु सह-संयोजनय् जुइगु खः।

विश्व आदिवासी न्हि हनीगु नापनापँ, नेवाः अन्तर्राष्ट्रीय फोरम जपानँ दँयदसँया न्यायकाः वयाच्वंगु “क्वाति पुन्हि” थुगुसीनं विश्व आदिवासी न्हि नापँहे हनीगु दु। न्हापाजूसा, “आदिवासी न्हि” ज्याझ्व क्वचायेके धुंका क्वाति त्वना क्वाति पुन्ही हनीगु। थुगुसी धाःसा हिरोत्वाले हनीगु ज्याझ्वःया न्ह्यवःहे, तोःक्योःया वासेदा त्वाले दूगु धर्म रेष्टुराँले क्वाति पुन्ही हनिगु जुयाच्वंगु दु। नेवाः अन्तर्राष्ट्रीय फोरम जपानँ झी सकसितँ थ्व ज्याझ्व निगुलिसँ ब्वतिकया दियेतः इनाप यानाहःगु दु। ज्याझ्वय् ब्वतिकयादियेत इच्छादुपि सकसिनँ थ्वहे ७ तारिक (कँस) या दुने, स्वापू तयादिसँ। स्वापू तयथाय् - नेवाः अन्तर्राष्ट्रीय फोरम जपान (फोन ल्याः ०३-३३११-६४७५ वा nifj@hotmail.com व धर्म रेष्टुराँ (फोन ल्याः ०३-५२९२-९०८८)।

अःगष्ट १० तारिक आइतवाः कुन्हु, जपानया अइचि प्रिफेक्चरेनं, नेपाली आदिवासि जनजाति संघया ग्वसाले तोयोदा शहरया एकाकु हःले झःझःधायेक विश्व आदिवासी न्हि हनीगु दु। नेपाःया राज्यदूत डा.गणेश बहादुर योंजन भाजु मुपाहाँकथँ हनीगु थ्व ज्याझ्वले मल्ल नायःभाजु विशेष पाहाँ जुयादिइ। थ्व ज्याझ्वले ब्वतिकया दियेतः, नेपाली आदिवासि जनजाति संघं इनाप यानातःगु। स्वापू तयथाय् - info@adibasinepal.com.

अले झीतः थ्यंगु छगु ईमेलकथँ, थुगुसीयागु विश्व आदिवासी न्हिया लसताय् संयुक्त राष्ट्रया गाँ उत्थान शाखाँ, नेपाःया गाँगामे समावेसीकरणँ वञ्चित जुयाच्वपिँ च्वँपिँ मिसा, दलित् व आदिवासी समूहतेःगु समस्या समाधानयायेतः ४० लाख अमेरिकन् डलर गुहालि बिइगु खँ थनि निलान्ह्यवःहे घोषणा यागु दु।

लुमंके बहजू, नेपाले थनी २ दँ न्ह्यवँनिसेँ आदिवासी न्हिया लसताय् थीथीगु संघसंस्थाँ बिश्व आदिवासी न्हि सप्ताहब्यापीकथँ थीथी ज्याझ्वः न्ह्यथँसे देसे सकभनँ थुकुन्हुयातः अधिकारमुखी आन्दोलनकथँ हे हनाहःगु खः। झी नेवाः पासापिँनं छिकपिनिगु लागाय् जुइगु आदिवासी न्हिया ज्याझ्वले ब्वतिकयादिसे झी नेवाः जातिया म्हसीकेगु ज्याय् भचासाँ न्ह्यचिलादीसा बाँलाइथेँ तायका च्वना।

छिगु कमेन्ट्, सल्ला अले थ्व च्वसुली दुथ्यागु खँ, मिले जूमजू स्वया सम्पादनहे छिसँ यानादीफु। अथे यायेतः थन क्वसँ च्वंगु comments से दुहाँ झासँ। छिगु कमेन्ट्, सल्ला, सम्पादन छकः जक च्वयादीसा गाः। पोष्ट यायेतः छुँभचा ईकायेफु। सुभाय् !
- The Newah