The Newah (नेपाल भासँ थःगु बिचाः प्वन्केगु हलिमे छगुहे जक नेवाः ब्लग् )

Yen (Kathmandu) - In protest of sacrifice of hundreds of animals planned to be held in Gadhimai Temple, Bariyapur in Bara District in Nepal, the Native Land of the Buddha, the proponent of world peace, Nepal’s national Buddhist federation, the Dharmodaya Sabha has issued a press release against the inhuman practice to be held this month. The Press Release reads as in the following:

अमानवीय प्राणी हिंसाबलि बीगु ज्याया विरोध
ने.सं. ११३० थिँला ८ मंगलवाः

येँ, नेपाल मण्डल - “बौद्ध मान्यताकथँ छूँनँ कथँया बलि प्राणीहिंसा बुद्धजन्मभूमि नेपाले मजुयेमा धइगु चाहना तःसे नेपाःया राष्ट्रीय बौद्ध संस्था धर्मोदय सभा पशुपन्छि आदि प्राणीबलि प्रति न्हिथँ विरोध याना वइच्वंगु दु। थ्वहे झ्वले, थ्वहे लाय् नेपाःया बारा जिल्ला स्थित बरियारपूरया गढीमाई मन्दीरे लाखौं संख्याय् करुणाविहीन अमानवीय प्राणी हिंसाबलि बीगु ज्या जुइत्यंगुलिँ, ऊगु ज्या प्रति दुग्यँक दुःख व्यक्त यासे प्राणीहिंसा बलि प्रथायात धर्मोदय सभाँ घोर विरोध याना च्वना।”
धर्मोदय सभा
बुद्ध विहार, विहार मार्ग,
भृकुटी मण्डप, येँ

Yen (Kathmandu), Nepal Mandala - CONCERN Nepal is organizing Child Public Speaking Competition for the 14th time in Kathmandu’s Durbar squire on 27th this month. According to its Program Manager Jiyam Shrestha, the competition will be held together with the 18th Open Child Art Competition. More in Nepal Bhasa…

“न्हूँगु संविधानय् मस्तय् अधिकार” या बारे नेपाल भासँ मस्तय् दथुइ न्वचूया धैँ धेँ बल्ला कासा जुइगु
ने.सं. ११३० थिँला ८ मंगलवाः

येँ, नेपाल मण्डल - नेपाल देसया “न्हूँगु संविधानय् मस्तय् अधिकार” या बारे नेपाल भासँ मस्तय् दथुइ न्वचूया धैँ धेँ बल्ला कासा जुइगु। CONCERN Nepal या ग्वसालय् जुइगु थ्व कासा १४कः खुसिया कासा खः। Peace and Prosperity, the aim of New Nepal (शान्ति र सम्वृद्धि नयाँ नेपालको लक्ष) धइगु तेःमाय् १८कः खुसिया मचा चित्रकला धेँधेँ बल्ला ज्याझ्व नापँ जुइगु थ्व मचाकासाय् ब्वति कायेतः योग्य व इच्छ्यादुपिँ सकसितँ ब्वनातःगु दु। ज्याझ्वः थथे खः –

18th OPEN CHILD ART COMPETITION
Theme: Peace and Prosperity, the aim of New Nepal (शान्ति र सम्वृद्धि नयाँ नेपालको लक्ष) &
14th CHILD PUBLIC SPEAKING COMPETITION (in Nepal Bhasa)
Theme: Child Rights in New Constitution (न्हूँगु संविधानय् मस्तय् अधिकार)
न्हि – ने.सं. ११३० थिँला ११ शुक्रवाः (Nov. 27th, 2009)
ई – सुथसिया १० ता इलँ निसेँ
थाय् – लायकू, येँ, नेपाल मण्डल
प्रवेश शुल्क – म्हतिँ ५० तका

ज्याझ्व मेनेजर झी जियम श्रेष्ठँ छ्वया हइदीगु अंग्रेज, खस व नेपाल भास, स्वंगु भासँ च्वयातःगु ब्वनापौ, स्वीकार यासे, वयकलँ यानादीगु थ्व ज्याझ्व सुथाँ लायमा धका भीँतुना च्वना। नापँ थ्व “नेवारि भाषा” धायेगु चलनयातः थूपिँ अनेवाःतेसँ हे “नेपाल भाषा” धाय् सया वये धुंकू थाय् नेवाः झीसँनं खय् भासँ च्वय् बले “नेपालभाषा”, धका च्वयेगु व नेपाल भासँ च्वय् बले “नेपाल भास” धका च्वयेगु बानि दयेके माल। मखुसा मथूपिँ, किमखुसा अत्यरा पहःवपिनिगु बानि व झीगु बानि छूँहे पाइमखु। - The Newah

- छिगु कमेन्ट् च्वयेतः, थन लाइनया क्वसँदूगु “Comments” तियादिसँ।

Khwopa (Bhaktapur) - Nepal Bhasa Academy Chancellor Satya Mohan Joshi released a memoir written by Divya Hada titled “From Khopa….”. Educationist Lakshman Rajavansi, Peof. Aisworlal Pradhananga Lal and Narayan Man Bijukchhe, President of Labour and Farmers’ Party s among the participants at the release gathering. More in Nepal Bhasa.

” ख्वपंनिसें…” उलेज्या सम्पन्न

ख्वप - म्हिगः ने.सं. ११३० थिंला ०५ ख्वप अरनिको सभा भवनय जूगु छगू समारोहस नेसोकाया कार्यकारी दुज: व हलिं नेवा मुँज्या तदर्थ ग्वसा: खल:या दुज: दिव्यरत्न हाडाँ च्वया दीगु “ख्वपंनिसें…” नियात्रा सफू (जीवन यात्रा वृतान्त) या उलेज्या सम्पन्न जुल।

नेपालभाषा एकेडेमीया चान्सलर, संस्कृतिविद सत्यमोहन जोशीया सभापतित्वय जूगु उगु उलेज्याय नेवा देय दबूया संरक्षक, शिक्षाविद लक्ष्मण राजवंशीँ, नेपाःया इतिहासया थिथि घटनायात उल्लेख नापं समालोचनात्मक नुग:खँ प्वंकुसे सफूतिइ मिले मजूगु छता निता खँयात न उल्लेख याना दिल । थकालिम्ह प्रोफेसर ऐश्वर्यलाल प्रधानाङगँ दिव्यरत्न हाडाया भाषाप्रेमयात च्वछाना दिसे हाडा वंशया व्युत्पत्ती बारे अझनँ अनुसन्धान जुइमा:गु दु धया दिल ।

समारोहया मूँपाहाँ, संविधानसभाया सभासद, नेपाल मजदुर किसान पार्टीया नायो नारायणमान बिजुक्छेँ सफूया च्वमि दिव्यरत्न हाडाजुया देशप्रेमया सराहना यासे जातीय संघीयता देशया लागि उपयुक्त मजूगु, नेवाःया लागिला तसकंहे हानिकारक जुइगु नुग:खँ कना दिसे, झी नेवाःत मेपिनिगु हनुमान जक मजुसे थ:पिं हे न्ह्याँवने माल धया दिल ।

समारोहया सभापति भाजु सत्यमोहन जोशीँ नेवाः साहित्यय नियात्रा साहित्य यक्कोहे म्हों जुयाच्वंगु अवस्थाय दिव्यरत्न हाडाजुया नियात्रा सफू “ख्वपंनिसें…” नं नेवा साहित्य धुकु जायेकेगु ज्याय तधंगु योगदान जूगु दु धया दिल । वया नापं वयकलँ नेपाल भास,, साहित्य व संस्कृतिया संरक्षण व सम्वर्द्धनया लागि हाडाजुँ ता:ईनिसें याना वयाच्वंगु आर्थिक ग्वाहालि, विशेष याना नेपालभाषा सहित्य ख्यलय योगदान दुपिनिगु “म्हसीका धल:” पिथनेत व नेवाः एफएम धस्वाका संचालनय हयेत याना दीगु आर्थिक ग्वाहालिया लागि विशेष सुभाय् देछाना दिसे हाडाया चकं नुग:या प्रशंसानँ याना दिल ।

ऊगु समारोहय नेसोकाया कार्यकारी छ्याञ्जे व नेवाः हलिं मुँज्या तदर्थ ग्वसा: खल:या दाँभरी महेश्वर श्रेष्ठ नापं ग्वसा: खल:या दुज:पिं रमेशरत्न स्थापित व कुमार श्रेष्ठ भाजुपिसँनँ ब्वति कया दीगु जुल।

सफूया नाँ : “ख्वपंनिसें…”
च्वमि : दिव्यरत्न हाडा
संपादन : कुमार रञ्जित
पिकाक : नेपालभाषा एकडेमी
ISBN : ९७८-९९३७-८०३७-९-३
मू : १५०।– तका

बुखँ सुभाय् - नेसोका

छिगु कमेन्ट च्वयेतः लाईनया क्वसँ दूगु ” comments” क्लिक यानादिसँ!

Hetaura - Kshitij Subedi of Janakalyan Higher Secondary school in Makwanpur has been awarded Manjuri Singh Award for passing the SLC examination with the highest marks this year. More in Nepal Bhasa.

मञ्जुरी सिंह पुरस्कार क्षितिजयात

मकवानपुरे पलिस्था यानातःगु मञ्जुरी सिंह शैक्षिक पुरस्कार क्षितिज सुवेदीयात लःल्हाःगु दु। जनकल्याण उच्च माविँ वंगु साले एसएलसी परीक्षाय् सर्वोत्कृष्ठ ल्याः हया जिल्लाय् दकले न्ह्यः जूम्ह क्षितिज सुवेदीयात ऊगु पुरस्कार लःल्हाःगु खः।
मकवानपुरया सामुदायिक ब्वनेकुथिया ब्वनामि दथुई एसएलसी परीक्षाय् सर्वोत्कृष्ठ जुइम्ह छम्हेसितः बीगु ऊगु पुरस्कारया राशि रु. पाँचहजार व दसुपौ बीगु यानातःगु दु।

हेटौँडायाम्ह समाजसेवी मञ्जुरी सिंहँ पलिस्था याना मकवानपुरया सामुदायिक ब्वनेकुथिया ब्वनामितय् दथुई एसएलसी परीक्षाय् सर्वोत्कृष्ठ ल्या हया जिल्लाय् दकले न्ह्यः जुइम्ह ब्वनामितेतः नेपाल संवत ११२३ सालँ निसेँ ऊगु पुरस्कार बिया वया च्वंगु दु।

हेटौँरा लेडी जेसिजया आयोजनाय् जूगु ऊगु पुरस्कार लः ल्हायेगु व हनेगु ज्याझ्वलेय् जनप्रिय माविया सुदन खतिवडा, जनकल्याण उच्च माविया मिलन कार्की, कृष्ण मावि, भैँसेका सुवोध थापा व उत्तम कँडेल, बुद्ध माविया सागर आचार्य व आधुनिक राष्ट्रीय माविया परदेशराज देवकोटा नापँ हनेगु ज्या जुल। थथे हँपिँ खुम्ह वंगु साले एसएलसी परीक्षाय् उत्कृष्ठ ल्या हया पास जूपि खः।

येँया नाँजाःगु वज्राचार्य परिवारया म्ह्याय् मयजु मधेशि जातिनापँ ब्यायाना हेटौँरा, मकवानपुर जिल्ला थाय् थासय् थथे शिक्षा प्रवर्धनया लागि समाजसेवा याना च्वंगु न्यने दया झी द नेवाःयानँ लसता वःगुलिँ, झीगु पाखेँनँ भीँतुना देछाया च्वना।

छिगु कमेन्ट च्वयेतः लाईनया क्वसँ दूगु “comments” क्लिक यानादिसँ!

दच्छीया दुने दिवंगत जूपिनिगु नामँ शतबिज (गुता बिबहःता) ह्वलेगु नेपाःया छता ज्वःमलागु मेला उकुन्हुयागु आइतवाः पशुपति क्षेत्रय् क्वचाल। दिवंगत थःथिति पिनिगु आत्माया शान्तिया कामना यासे पशुपतिया ष्लेश्मान्तक गुं (वन) स थथे बिबहःता ह्वलेगु लागि नेपाःया थीथी जिल्लां नापं आपाल आपाः भक्तजनपिं सहभागि जुगु खः। राजधानीं पिनें वईपिं भक्तजनपिं शनिवा कुन्हु हे बहनी निसें पशुपति क्षेत्रय् वासँ च्वँवया चच्छि तक्क मत (महादिप) च्याका जाग्राम च्वना च्वंगु खः। हिन्दू धर्मावलम्बित पशुपतिया उगु ष्लेश्मान्तक गुं, कैलाश, गुहेश्वरी व मृगस्थली क्षेत्रय् शतबिज ह्वःवईगु खःसा नेवा बौद्धतेसँ ऊगु हे वन क्षेत्रय् दूगु ख्वाँय् गणेद्यो व न्यागः बौद्ध चैत्य (चिभाःद्यो) स गुता बिबहः व फलफूल (तु, हिसकि, सकि, तःसि व अम्बः) टुक्रा याना द्योयात छाः वनीगु खः।

थूगु मेला नेपाःया छता ज्वःमलागु मेला खःसानँ थौंकन्हेया परिवेशय् थथे मुरिका मुरि अन्न शतबिज ह्वलेगु धका बँय् ह्वला सितिकं छोयगु गुलित उचित जू थुखे पाखे सकसियां ध्यान वनेमाःगु आवश्यकता ल्याय्म्हपिंसं न्ह्यसः तःगु नं खने दत। छुँ दँ न्ह्यवः पञ्चदानया ईलय् स्वयम्भूई चाःह्यू वःपिं जपानया छगू प्रतिनिधिमण्डलया दुजःतेसँ स्वयम्भूया बँय् आपालं वा, जाकि वाकाःतःगु खना थःगु म्ये वांन्यागु खँ थन लुमंके बहःजू।

A news related view filed in by Sagar Man Bajracharya.
छिगु कमेन्ट च्वयेतः लाईनया क्वसँ दूगु ” comments” क्लिक यानादिसँ!

Yen, Nepal Mandala - A well known advocate of Nepal Bhasa, Purnakaji Jyapu was elected President of Dallu Branch of Nepal Democratic Newah Association formed this evening in Kathmandu’s Dallu area. More in Nepal Bhasa.

नेपाल लोकतान्त्रिक नेवाः संघ या १५ वडा कचा नीस्वन।

नेपाल भास व नेपाल संस्कृतिया संरक्षण व सम्वर्द्धनया ज्याय् अग्रणी भूमिका म्हिता वया च्वंगु नेपाल लोकतान्त्रिक नेवाः संघ पाखें येंया डल्लुस छगू समारोह यासे नेपाल लोकतान्त्रिक नेवाः संघ, यें १५ वडा कचा नीस्वन। नेकपा एमालेया वैकल्पिक केन्द्रीय दुजः भाजु जिवनराम श्रेष्ठ मू पाहाँकथँ झायादीगु ऊगु समारोहस वयकलँ नेवाःत भासिक, सामाजीक व आर्थिक क्षेत्रय् तसकँ च्वन्ह्याःथेँ आः राजनीतिया ख्यलय् नं न्ह्योने वय् हथाय् जुई धुंकूगु खँ कना दिल। भास ख्यलय् ताः ई निसें थःयात पाना वयाच्वँम्ह भाजु पूर्णकाजी ज्यापुया अध्यक्षताय् नीस्वंगु थुगु कचाया दुजःपिँ थथे दु।
नायः : पूर्णकाजी ज्यापु
न्वकू : अर्जुन महर्जन
न्वकू : सुभाष डंगोल
छ्याञ्जे : कुमेश मान बज्राचार्य
ल्यू छ्याञ्जे : राजेन्द्र प्रसाद श्रेष्ठ
दाँभरिं : कृष्ण कुमार तुलाधर
दुजः (क) गणेशमान श्रेष्ठ (ख) चिनिकाजी महर्जन (ग) कर्ण श्रेष्ठ घ) निरज श्रेष्ठ (रु) राजेन्द्र श्रेष्ठ (च) श्रीकृष्ण श्रेष्ठ
अथे हे मिसापिँ स्वम्ह दुजःपिँ व सल्लाहकारपिँ ज्यासना पुचःपाखेँ लिपा ल्ययेगु निर्णय जुल। नेपाल लोकतान्त्रिक नेवाः संघ या केन्द्रीय दुजः भाजु ज्ञानेन्द्ररत्न बज्राचार्यया सभापतित्वय् संचालन जूगु उगु ज्याझ्वःस कचाया सकल पदाधिकारी व दुजः पिन्त केन्द्रीय नायः सानुराजा शाक्यँ शपथ ग्रहण याकूगु खः।

- News filed in by Sagar Man Bajracharya
छिगु कमेन्ट च्वयेतः लाईनया क्वसँ दूगु ” comments” क्लिक यानादिसँ!

Yen (Kathmandu), Nepal Mandala - “If Newah Autonomy state is going to be inside what is going to be called Tamasaling and if the revenue from the World Heritage sites of Nepal Mandala to be looted by the Central Government, then it is inevitable to shift the capital of Federal Republic of Nepal somewhere else not in present Kathmandu of Nepal Mandala, under so called restructuring of a new Nepal.” So said Malla K. Sunder, patron of Newah National Forum at an interaction program titled “Newah People’s Republic and its structure” organized in the capital yesterday by Newah National Liberation Front, Electorate No. 7 in Kathmandu. The interaction was inaugurated by Unified Nepal Communist Party (Maoist) Vice Chairman Dr. Baburam Bhattarai….. More in Nepal Bhasa.

नेपाःया राजधानी नेपालमण्डलय् तयातयेगु आवश्यक मजू
-मल्ल के. सुन्दर

ने.सं. ११३० कछला २१ (षष्ठि आइतवाः)

येँ, नेपाल मण्डल - न्हूँ नेपाःया संघीय राज्य धैगु “ताम्सालिङ राज्यया दुने भूपरिवेष्ठीत गणराज्यया कथँ ‘नेवाः स्वायत्त गणराज्य’ जुइगुसा उज्वःगु राज्य नेवातयेतः मान्य मजू। विश्व सम्पदाँ जाःगु व संस्कृतिया धनी नेवाः क्षेत्रँ वइगु आम्दानी केन्द्रँ लाका काइगुसा फ्वना नयेमालीगु नेवाः राज्य व नेपाःया राजधानी, नेपालमण्डलय् तयातयेगु आवश्यक मजू।” म्हिगः येँ जूगु, नेवाः स्वायत्त गणराज्यया विशेषता व स्वरुप विषयक अन्तर्क्रियाय् नवानादिसे नेवा देय् दबूया संरक्षक मल्ल के सुन्दरँ अथे धयादिल।

नेवाः राष्ट्रीय मुक्ति मोर्चा, निर्वाचन क्षेत्र नं.७ यें या ग्वसालय् जूगु ऊगु अन्तर्क्रिया, एकीकृत नेकपा (माओवादी) या न्वकू डा.बाबुराम भट्टराई मूपाहाँ जुयादीगु खः। झी जननायः डा.पद्मरत्न तुलाधर, संसद हिसिला यमि, प्राध्यापक प्रेमशान्ती तुलाधर व नेपाल भासया ख्यलय् नाँ जाःपिँ आपालं विशिष्ट व्यक्तिपिसँ ब्वतिकयादीगु ऊगु ज्याझ्वलय् नवानादिसे, मूपाहाँ डा.बाबुराम भट्टराईजुँ गणराज्यया विशेषता कुलादिसे, गणराज्यया सिमाङ्कन जनमतया लिधंसाय् कायेम् यायेगु तसकँ उपयुक्त जुईगु विचाः प्वंकादिल। थ्व हे झ्वलय् नेपाली काँग्रेसया नेता नरहरी आचार्य, संविधान सभा राज्य पूनर्संरचना समितिया नायः लोकेन्द्र विष्ट, नेवाः देय् दबुया संरक्षक लक्ष्मण राजवंशी, ताम्सालिङ राज्य परिषदया परशुराम तामाङपिसँनँ थःथःगु बिचाः प्वंका दिल।

- Photo and initial contribution to this article by Sagar Man Bajracharya. You can also contribute to this article by adding more information. - The Newah
छिगु कमेन्ट च्वयेतः लाईनया क्वसँ दूगु ” comments” क्लिक यानादिसँ!

सकिमिला पुन्ही
नेपाल संवत ११३० कछला १५ सकिमिला पुन्हीया (Nov 2, 2009) सुभ न्हिकुन्हु, येँया थीथी बौद्ध विहारय् हलिमलि ब्वयेगु ज्या झःझः धायेक जुल। थुकुन्हु गुरुजुपिनिपाखेँ बौद्ध स्तोत्र व नामसंगीति पाठ यायेगु, अनँ पाठ न्यः वइपिँ भक्तजनत व दर्शकतयेतः वहे हलिमलि प्रसादया कथँ इना बियेगु चलन दु। अथे हंगु सकिमिला पुन्हीया ज्यझ्वःया दथुई, डल्लु, धिम्हेल्वहँ बुद्ध विहारय् हंगु ज्याझ्वलय् ब्वयातःगु हलिमलिया मण्डल थथे दु।

-Image filed by Sagar Man Bajracharya
छिगु कमेन्ट च्वयेतः लाईनया क्वसँ दूगु ” comments” क्लिक यानादिसँ!

Yen, Nepal Mandala - UML leader & Former Foreign Minister K. P. Oli and Defense Minister Vidya Bhandari joined several local party leaders and citizens of Kathmandu to celebrate the 1130th Nepal’s National New Year celebrations held at Basantapu in Kathmandu on October 31, 2009 organized by United Marxist-Leninist party’s Kathmandu District Committee.

न्हूँदँ ११३० या लसताय् एमालेया ग्वसालय् भिन्तुना व तुच्चा ज्याझ्वः
येँ, नेपाल मण्डल - न्हूँदँ ११३०या लसताय् ने.क.पा.एमाले, यैँ जिल्ला समितिया ग्वसालय् थौं ११३० कछला १३ (३१ ओक्टोबर २००९) कुन्हु येंया बसन्तपुली भिन्तुना व तुच्चा ज्याझ्वः जुल। पाहाँपिँ सकसितँ नेवाः संस्कृति कथं जाकि सिन्हः तिका लसकुस याःगु ऊगु ज्याझ्वःलय् मंगल धुन पुया लसकुस सत्कार याःगु खः।

ज्याझ्वःलय् न्हूँदँ ११३० या भिन्तुना देछासे ने.क.पा.एमालेया नायः व ११३० न्हूँदँ समारोह समितिया दुजः भाजु कृष्णगोपाल श्रेष्ठँ, थूगु दँय् ११३० न्हूँदँया लसताय् प्रधानमन्त्री माधवकुमार नेपालँ वालुवाटारय् हे तुच्चा ज्याझ्वः संचालन याना द्युगु खँ तसकँ च्वछाय् बहजु धयादिसें नेवाःतयेगु संस्कृतिया संरक्षण व सम्बर्द्धन यानायंके माःगु खँ न्ह्यथनादील। ने.क.पा. एमाले, येँ जिल्ला क्षेत्र नं.९ या संयोजक बिद्यासुन्दर शाक्य भाजुँ संचालन याना द्यूगु ऊगु ज्याझ्वया दथुई सांस्कृतिक ज्याझ्वः (नेवाः हुला प्याखँ) नँ न्ह्यथंगु खः।

ज्याझ्वःया मूपाहाँ ने.क.पा.एमालेया वरिष्ठ नेता के.पी.ओलीँ न्हूँदँ ११३० या भिन्तुना देछासे देसय् शान्ती सुव्यवस्था यायेतः ए.ने.क.पा.(माओवादी) यात वार्ताय् वयेतः ईनाप यानादिल। वयकलँ ए.ने.क.पा.(माओवादी) यात आन्दोलनया धम्की बियेगु त्वःता सरकारय् दुहाँवयेतः ईनाप याना दिल।

रक्षामन्त्री विद्या भण्डारी, नेपाली कांग्रेसया नेता भिमसेन दास श्रेष्ठ, तमलोपाया येँ जिल्ला सचिव व मेमेपिँ जिल्ला स्तरीय नेताया नापनापँ स्वनीगःया आपालँ जनतेसँ ब्वतिकै द्यूगु थूगु ज्याझ्वः अतिकं न्ह्याईपुस्से च्वंक न्ह्याःगु खः।

- Report and photo filed by Sama Vajracharya
Click “Comments” below the line to have your comments. - The Newah

Balambu, Yen, Nepal Mandala - About 300 people over 50 years of age were given free consultation and treatment at an Eye camp organized by Esperanto Club in Kathmandu at Pranidhipurna Buddhist Vihara in Balambu, Kathmandu on Kachhala 13, 1130 (October 31, 2009).

मिखा शिविर
बलम्बु, येँ, नेपाल मण्डल - एस्परान्तो क्लबया ग्वसालय् थौं ११३० कछला १३ (३१ ओक्टोबर २००९) कुन्हु बलम्बुया प्रणीधिपूर्ण महाविहारय् निशुल्क मिखा शिविर सञ्चालन जूगु दु। थूगु शिविरय् ५० दं पुले धुकुपिं स्वसलं मयाक्क मनु तयगु मिखा जांच याना वासः याःगु जुल।

- Report and photo filed by Sama Vajracharya
Click “Comments” below the line to have your say. - The Newah